د امریکې د بهرنيو چارو وزیر انتوني بلينکن او د دفاع د چارواکو وزير لوېډ اسټين په راتلونکو ورځو کې د اسيا سفر کوي، د سټېټ ډيپارټمنټ او پينټاګون ترمخه د بايډن انتظامیې د نوموړو وزيرانو د اسيا دا لومړی سفر دی.
د بهرنيو چارو د وزارت وياند نېډ پرايس ويلي دي، د 14 نه د 18 مارچ پورې د جاپان او جنوبي کوريا په سفر کې به دوی د امریکا د اتحاديانو او د هند پېسفک، سيمه او نړۍ کې امن ته د ودې ورکولو، امنيت او خوشالۍ ژمنې پياوړې کوي.
پېنټاګون ويلي، اسټين به په سفر کې د لوړ پوړو چارواکو سره د نړيوالې دفاع په لړ کې داړيکو د اهميت او په دغه لړ کې د امريکا ژمنې پياوړې کړي چې د هند پېسفک په سيمه کې نړيوالو قاعدو، قوانينو ته درناوی وشي.
بلينکن او اسټين به په ټوکيو کې د خپلو جاپاني سيالانو سره د امنيت په موضوع ليدنه هم وکړي.
ويل شوي بلينکن به د جاپاني سوداګر مشرانو سره انلاين ليدنه هم وکړي او د دواړو ملکونو ترمنځ د کرونا په مهال د کاروبار په اغېزو به ورسره خبرې هم وکړي.
په جاپان کې د دوه ورځو د سفر وروسته به بلينکن او اسټين د جنوبي کوريا د سول سفر وکړي او هلته به د خپلو سيالانو سره په دوه اړخيزه او نړيوال ارزښت خبرې وکړي.
اسټين به خپل سفر په 13 مارچ پېلوي او په هوايي کې به د هند پېسفک مرکز ته لاړ شي او بيا به د هند سفر وکړي د هند د دفاع وزير راجنات سينګ او نورو لوړ پوړو امنيتي چارواکو سره وويني او د هند سره به د امریکا د همکارۍ په نوره ژورتيا خبرې وکړي.
بلينکن به په دې سفر کې د مطبوعاتو په ازادۍ ټينګار کوي.
ويل شوي بلينکن به د چاپان او د کوريا د جرنلېسټانو سره انلاين ليدنې کوي او د مطبوعاتو په رول، جمهوريت په دفاع او سولې په موضوعاتو به ورسره خبرې وکړي.
بلينکن او اسټين په داسې حال کې د اسيا سفر کوي چې د بايډن انتظامیې د ختيځ چين په سمندر کې د مقابلې د اقداماتواشارې ورکړي او له دغې ورسته په درېم مارچ بلينکن ویلي وو د امريکا او چين ترمنځ اړیکې په نړۍ کې د پېړۍ د جيو پوليټيکل غټه ازموينه ده.
