سعودي عرب ويلي د روژې په مياشت کې به يواځې هغو کسانو ته د عمرې کولو اجازت وي چا چې د کرونا ضد ويکسين لګولي وي.
سعودي ګزټ ویلي، د سعودي عرب د حج او عمرې دپاره وزارت د ګل/دوشنبې په ورځ (پينځمه فرورۍ) ويلي چا چې د کرونا ويکسين لګولي وي هغو ته به د عمرې، مسجد حرم او مسجد نبوي ته د تلو اجازه وي.
سعودي پرېس ايجنسۍ ویلي، د حج او عمرې وزارت ویلي چا چې د کرونا ضد ويکسين لګولي وي، څوک چې عمرې له تلل غواړي د خواست ورکولو نه 14 وړاندې يې د ويکسين لمړی ډوز لګولی وي او درېم دا چې د دې ناروغۍ نه ښه شوی وي هغو ته به اجازت ورکولی شي.
راپورونه وايي د عمرې اجازت به يواځې هغو کسانو ته وي چې عمرونه يې د 18 کالو نه تر 50 کلونو پورې وي.
سعودي عرب تيره اوونۍ پرېکړه کړې وه چې په مسجد حرم (خانه کعبه) او مسجد نبوي (مدينه) کې به د روژه ماتي به د غونډې نه راجوړيږي او اعتکاف به هم بند وي.
د کرونا له امله په کال 2019 کې په حج کې يواځې لسو زرو کسانو ته اجازه ورکړی شوې وه.
د شمېرو ترمخه سعودي عرب ته د حج دپاره د نړۍ نه نزدې دوه نيم ملينه مسلمانان راټولیږي.
خو د سږني کال د حج دپاره سعودي عرب تراوسه څه نه دي ویلي چې څومره خلکو ته به اجازت وي يا څومره خلک به په حج کې ګډون کوي.
