لاس رسیدونکی لینک

Breaking News

امریکې دپاکستان اؤ ټي ټي پي ترمنځ په مذاکراتو له غبرګون ښودلو انکار کړی


امریکا دپاکستاني طالبانو اؤ دپاکستان دحکومت ترمنځ په روانو خبرو اترو دغبرګون ښودلو نه انکار کړی اؤ وایي امریکا اؤ پاکستان اوس هم دافغانستان په معامله دمفاد په یوه لیکه ولاړ دي.

دا په داسې حال کې ده چې د دوشنبې په ورځ پاکستاني رسنیو ویلي چې دپاکستاني طالبانو اؤ حکومت ترمنځ دیوې میاشتې په ډزبندۍ اتفاق شوی دی.

رپورټونه وایي دپاکستاني چارواکو اؤ طالبانو ترمنځ د ډیرې مودې راهسې پټې خبرې روانې دي ا‌ؤ دې خبرو کې دافغانستان طالبان دمنځګړو رول لوبوي.

کله چې تیره ورځ دامریکې خارجه محکمه کې دیو بریفنګ په مهال یو خبریال دبهرنیو چارو د ومحکمې ویاند نیډ پرائس نه وپوښتل چې ایا امریکا اوس هم ټي ټي پي یوه ترهګره ډله ګڼي اؤ په دې خبرو اترو دامریکا غبرګون څه دی؟

ویاند وویل” که چرې دپاکستاني طالبانو اؤ پاکستان ترمنځ په مذاکراتو زمونږ کوم خاص غبرګون وي نو تاسو ته به یې ارو مرو ووایو “

هغه وویل دافغانستان په اړه اوس هم امریکا دپاکستان سره تماسونه لري اؤ پاکستاني چارواکو نه اوریدل شوي چې دا خبره دپاکستان په ګټه هم ده چې افغانستان کې لږکیو،ښځو اؤ جینکو ته دهغوئ دحقونو په ورکولو سره باید په تیرو شلو کالو کې شوې لاسته راوړنې ضایع نکړل شي.

هغه وویل دافغانستان په اړوند په ډیرو خبرو کې دپاکستان اؤ امریکا ګټې یوشان دي اؤ په نزدې راتلونکي کې به افغانستان دپاره دامریکې ځانګړی استازی ټام ویسټ داسلام اباد په سفر لاړ شي ترڅو پاکستاني چارواکو سره دا تماسونه اؤ خبرې نورې هم پرمخ بوځي.

XS
SM
MD
LG