د سرکاري شمېرو ترمخه په پاکستان کې د کرونا وايرس پېښې نورې سېوا شوي دي، او تازه 4340 کسان په کرونا اخته شوي او اووه ترې مړه شوي دي.
د کرونا د څار او انتظام دپاره جوړې کمېټۍ (اېن سي او سي) په ټويټر د کرونا تازه شمېرې خپرې کړي دي، چې پکې ويل شوي د مثبتو پېښو کچه 8.71فيصدو ته لوړه شوې ده.
ویل شوي په تير شوا روز (17 جنورۍ) کې په ملک کې د کرونا مالومولو دپاره 49زره 809 ټېسټونه معاينې شوي دي.
د سرکاري شمېرو ترمخه دا وخت په ملک کې په کرونا اخته 781 کسان داسې دي چې روغتيايي حالت يې سخت دي.
د مطبوعاتي راپورونه ترمخه په تير شوا روز کې د ملک تر ټولو غټ اقتصادي ښار کراچۍ کې د شپږو زرو نه زياتو کسانو ټېسټونه معاينې شوي دي، چې پکې د دوه زرو نه په زياتو کسانو کې د کرونا وايرس تاييد شوي دي.
ویل شوي په لاهور کې د کرونا وايرس شرح د اته فيصده نه سېوا ده، په اسلام اباد او پېنډۍ کې د اووه فيصدو نه زياتې پېښې مخې ته راغلي دي.
په پاکستان کې د صحت د چارو کار پوهان وايي، پکار ده چې خلک د کرونا څخه د ځان او نوور د ژغورنې دپاره احتياطي تدابير خپل کړي، ماسک واچوي او د ګڼې ګوڼې نه ډډه وکړي.
په پاکستان کې د ډاکټرانو د اتحاديې (پاکستان مېډېکل اېسوسي اېشن، پي اېم اې) عمومي سېکتر ډاکټر قېصر سجاد وايي، حکومتي چارواکي که د دې په تمه وي، چې روغتونونه به ډک شي، او د هغې وروسته به سختي شورو کړي نو د دې سره به ډېر تاوان وشي.
د نوموړي په وېنا پکار ده چې حکومت د اوس نه سختي وکړي، خلک قابو کړي، احتياطي تدابير عملي کړي او د سرغړونکو پرضد قانوني اقدامات وکړي.
په پاکستان کې چارواکي بيا بيا په خلکو ټینګار کوي چې ويکسين ولګوي، ځکه چې د چارواکو او ډاکټرانو په وېنا د کرونا د مخنيوي او ځان ساتنې دپاره يواځينۍ لاره ويکسين دي.
