د پاکستان د موسمياتي بدلون دپاره مرکزي وزيرې شېري رحمان ويلي، د سمندري طوفان [بايپر جوای] رفتار د ساحلي سيمو پله کم شوی دی خو وایي اوس هم په زور کې دی او د کراچۍ نه یې مخه اوښتې ده.
د قدرتي افتونو په وخت د انتظام قامي ادارې [اېن ډي اېم اې] د مشر سره ګډې خبري غونډې ته هغې وویل، د سمندري طوفان له امله د طوفاني هواګانو او بارانونو امکان موجود دی، د سيند صوبې څلور ساحلي ضلعې، ټهټه، بدين، سجاول او ملير د سمندري طوفان د سختو اغېزو سره مخ کېدی شي، دا امکانات موجود دي.
هغې زياته کړه د سمندري طوفان رفتار کم شوی دی او مخ یې بدليږي رابدلیږي ځکه نو د ساحل سره به د شپې پورې ټکر شي.
شېري رحمان وويل، طوفان شمال ختيځ پله روان دی، د کراچۍ او حېدر اباد پورې د سيند صوبې په ساحلي سيمو کې د بارانونو امکان دی او د کراچۍ سره نزدې د بلوچستان صوبې په ساحلي سیمو کې هم د باران وړاندوينه شوې ده.
د شېرې رحمان په خبره د سيند صوبې د ساحلي سيمو نه د 81000 پورې کسان خوندي سیمو پله ویستل شوي دي او ټولې ادارې چمتو دي په ساحلي سيمو موجودې دي.
د الوتکو د پروازونو په حواله نوموړې وويل، د تېزو هواګانو له امله د وړو الوتکو پروازونه ځنډول شوي اوس لا هواګانې ډېرې تېزې نه دي که سېوا کيږي بيا به کمرشل الوتکې هم ودروي.
هغې وويل د تېزې سيلۍ له امله به د کراچۍ، حېدراباد، نواب شاه، سکهر او موين جودړو هوايي اډې به اغېزمنيږي خو دا وخت يادې هوايي اډې فعاله دي.
نن غرمه په 11 نيمې بجې په سيند صوبه کې د قدرتي افتونو په وخت د انتظام ادارې [پي ډي اېم اې] ویلي وو، سمندري طوفان د کراچۍ نه 230 کلوميټره او ټهټه ضلعې نه جنوب پله 235 کلوميټره او کېټي بندر نه 155 کلوميټره لرې وو.
ادارې امکان څرګند کړی طوفان به نن ماښام د کېټي بندر[جنوب ختيځ سيند صوبې] او د هندوستان د ګجرات د ساحل سره تيریږي.
پاکستاني چارواکو پرون ويلي وو طوفان به نن د غرمې پورې د ساحل سره په ټکر شي خو نن یې وويل، د سمندري طوفان زور او مخه بدلیږي رابدليږي ځکه د ټکر کېدو وخت هم بدليږي.
په کراچۍ کې نن د سهار راهسې کله غرمه، کله سيلۍ او ځای په ځای باران وريږي.
د چارواکو په خبره د تاوان څخه بچ کېدو دپاره دې خلک د سمندري طوفان، او طوفان له امله کېدونکو بارانونو او سيلۍ په حواله ځان په کره معلوماتو خبر ساتي او حکومتي لارښوونو دې عمل وکړي.
