واشنګټن - د جنوبي کوریا د پوځ د سرلښکر دفتر خبر ورکړی چې شمالي کوریا د ګل/دوشنبې ورځې ناوخته یو بالسټیک میزائیل د خپل ختیځ ساحل خوا ته اوبو کې داغلی دی.
د جاپان دفاع وزارت هم د یو میزائیل د داغل کېدو رپوټ ورکړی او ویلي دي چې ممکن دا آزمایښت د شمالي کوریا د یو بالسټیک میزائیل وي.
دا رپوټونه په داسې وخت کې ورکول کیږي چې د کوریا په جزیره نما کې کشیدګۍ زیاتې شوي او جنوبي کوریا د امریکا سره یوځای، د امریکایي اسټراټیجیکو اثاثو ځای پرځای کولو سره، د شمالي کوریا د وسلو د پروګرام مقابلې دپاره د پوځي آمادګیو ګامونه اخلي.
شمالي کوریا د دې ګامونو په وړاندې قهرجن غبرګون ښودلی او ویلي یې دي چې د دغسې پوځي اثاثو ځای پرځای کول، هغو دپاره د جوهري وسلو د استعمال معیار پوره کولی شي.
شمالي کوریا تېره هفته څو ګنټې پس د هغه د بالسټیک میزائیلو آزمایښتونه وکړل چې د جوهري وسلو په پالسټیک میزائیلو سمبال یو امریکایي آبدوز جنوبي کوریا ته ورسېدلو. د ۱۹۸۰مو کلونو راهسي، دا وړومبی ځل دی چې د امریکې دغسې یو آبدوز د جنوبي کوریا یو بندر ته رسیږي.
د ګل/دوشنبې په ورځ په جوهري طاقت سمبال یو بل امریکایي آبدوز هم جنوبي کوریا ته ورسېدلو.
د هفتې په آخرو دوو ورځو کې شمالي کوریا ګڼ شمېر کروز میزائیلې د خپل غربي ساحل خوا ته اوبو کې وتوغول.
