واشنګټن - د امريکا د ريپبليکن ګوند قانون جوړونکو په کانګرس کې د زيارت یا پنجشنبې په ورځ په خپله لومړنۍ رسمي اورونه کې د امریکا د خلکو په وړاندې استدلال وکړ چې صدر جو بایډن د خپلې کورنۍ د مالي ګټو لپاره له خپل دفتر څخه په ناسمه توګه کار اخیستې.
خو د دیموکرېټ ګوند مشران ټينګار کوي چې تحقیقاتو لا تر اوسه داسې شواهد نه دي وړاندې کړي چې د دغو دعوو تصديق ترې وشي۰
د ريبليکن ګوند مشرانو د زيارت يا پنجشنبې په ورځ د دوي د اورونې لومړنۍ رسمي څیړنه وکړه او په دې يې زور راوړ چې د بایډن د کورنۍ غړو د جو بايډن د صدارتي اختياراتو نه په ناسمه ډول ګټې پورته کړي
د کانګرس د مواخذې کمېټۍ مشر جېمز کامر وايي،
"له کلونو راهیسې، صدر بایډن د امریکا خلکو ته د هغه د معلوماتو او د خپلې کورنۍ په ناوړو کاروباري سکیمونو کې د ګډون په اړه دروغ ویلي. لږترلږه لس ځله، جو بایډن د امریکا خلکو ته دروغ وویل چې هغه هیڅکله له خپلې کورنۍ سره په کاروباري معاملو خبرې ندي کړي. هغه د امریکا خلکو ته دروغ وویل چې د هغه د رسمي حکومتي دندو او شخصي ژوند تر مینځ یو مطلق دیوال دی"
خو د ريپليکن ګوند غړو تر دې دمه کوم قوي شواهد ندي موندلي چې ولسمشر بایډن له خپل دفتر څخه ناوړه ګټه پورته کړې وي او دوی د پنجشنبې په اورونه کې کوم نوي ثبوتونه ندي وړاندې کړي
د کانګرس د مواخذې په کمېټۍ کې د ډېموکرېټ ګوند غړی جېمي راسکن وايي،
"دوی درې کسان د ګواهۍ لپاره رابللي دي. له دوی څخه یو هم د صدر د کوم ډول جرم عیني شاهد نه دی. له دوی څخه یو هم د اوکراین او بوریما اړوند د پیښو په اړه د مستقیم واقعیت شاهد نه دی او نه یې یو هم د اتو میاشتو تحقیقاتو کې برخه اخیستې ده. څنګه زموږ محترم چيرمېن په عامه توګه ذکر کوي چې دوي سل په سلو معلومات ترلاسه کړل؟"
ډیموکراټان استدلال کوي چې ريپليکنز د بایډن په اړه تحقیق ځکه کوي چې غواړي د پخواني صدر ډونلډ ټرمپ د ۹۱ قضيو نه پام واړوي کومې چه د هغه پر ضد روانې دي
د ډېموکرېټ ګوند غړې رابرټ ګارسيا وايي،
"دا ټول د ډونالډ ټرمپ په اړه دي - د هغه کمپاین او د هغه ملاتړ"
ريپبليکنز وايي چې دوي د فساد له منځه وړل غواړي. د( ای پي) خبري ادارې او د عامه چارو د مرکز(اين او ار سي) لخوا ترسره شوې نظرپوښتنې وموندله چې په 3 امریکایانو کې 1 په دې اړه ډیر اندیښمن دي چې ایا صدر جو بایډن به په ممکنه توګه د خپل زوی د کاروباري معاملې په اړوند غلط کار کړی وي.
د ريبليکن ګوند غړې ليزه مېکلېن وايي،
"راځئ چې یو څه روڼتيا ترلاسه کړو. راځئ چې د قانون حاکمیت تعقیب کړو"
د کانګرس ځینو ريپبليکن غړو د دې تحقیقاتو په اړه شک څرګند کړی او ویلي يې دي چې صدر د خپلې دندې لرې کولو لپاره د لوړو جرمونو معيار نه پوره کوي
او نور ريپبليکنز دا مني چې د مواخذې هر ډول هڅې به د امريکا په سېنېټ کې د ډېموکرېټ ګوند د اکثريت له وجې ختم شي.
د ريپليکنز ګوند غړی ډېرل ايسا وايي،
"موږ تمه نه لرو چې سينټ به د استیضاح لپاره رایه ورکړي"
که چری قانون جوړونکي د حکومتي لګښتونو په اړه موافقې ته ونه رسیدل نوحکومتي ادارې به کار کول بند کړي او د مواخذې اورونه به هم تر هغې وځنډېږي ترڅو چې حکومت پېسې تر لاسه کړي.
Forum