په تېرو 13 کلونو کې د لومړي ځل لپاره به ترکیه د نهې سه شنبې په ورځ په قاهره کې د غزې د جګړې په اړه د عرب لیګ یا عرب هېوادنو اتحادیې د بهرنیو چارو د وزیرانو په غونډه کې ګډون کوي.
رویټرز سره دغه خبر یوې سفارتي سرچینې د ګل- دوشنبې په ورځ شریک کړی دی.
که څه هم ترکيه په غزه کې د فلسطیني وسله والې ډلې حماس پر وړاندې د جګړې له امله اسرایل غندنه کړی او د اسرایل پر ضد یې د نړیوال انصاف عدالت کې د فلسطینیانو د قتل عام په تور مقدمې کې ګډون کړی، خو په وروستیو کلونو کې د عرب لیګ سره د ترکیه تعلقات د پام وړ ترینګلې شوې دي.
انقرې د مصر، متحده عربي اماراتو او سعودي عربستان سره له اوږدې مودې کړکېچنې اړیکې ښې کړې، خو د شام په ګډون د عرب لیګ له نورو غړو سره یې اختلاف تر اوسه موجود دي.
په غزه کې د جګړې د پیل کېدو وروسته ترکیه د جګړې د ختمولو لپاره ته رسولو لپاره عرب لیګ او د اسلامي هېوادونو د همکارۍ تنظیم (OIC) د ګډ همغږۍ ډلې یا ګروپ سره یوځای شوی دی.
د ترکيه سرچينو ويلي چې په دې غونډه کې د ګډون دپاره د بهرنيو چارو وزير حقان فېدان ته بلنه د عربي ټولنې د غړیو هېوادونو سره د اړيکود ښه کېدو او د سيمې په سيمه ييزو حالاتو کې د کردار لوبولو دپاره د ترکيه د زياتېدونکي لېوالتيا ښکاره کوي.
سفارتي سرچینو زیاته کړې چې ترکیه غواړي د اسلامي همکارۍ تنظیم سره ادارتي اړیکې او همکارۍ زیاتې کړي.
هغه زیاته کړه چې د عربي ټولنې له غړو سره د ترکیې اړیکې "د اوسنیو سیمه ییزو مسلو په هوارولو کې مرسته کولې شي او په راتلونکي کې د ثبات او دوامدارې همکارۍ ته وده ورکولې شي."
د انقرې او د خلیج د همکارۍ تنظیم (GCC) ترمنځ خبرې روانې دي چې د دې کال تر اخېره پورې د ازاد تجارت لوظنامه وکړي.
ترکیه په 2011م کال کې اخېري ځل په عرب لیګ په غونډه کې ګډون کړی و.
Forum