امریکا وایي ایران خبرداری نه وو ورکړی چې پر اسرایل به برید کوي
امریکا پر اسرایل د ایران د بریدونو غندنه کړې ده او تهران ته یې خبرداری ورکړی چې د سه شنبې- نهې په ورځ پر اسرایل باندې د بېلسټیک میزایلو د برید له سختو نتیجو سره به مخامخ شي.
د امریکې د ملي امنیت سلاکار جیک سولیوېن وویل، په سیمه کې د امریکې پوځي ځواکونو له اسرایلو سره د برید په ناکامه کې مرسته وکړه او وایي د بایډن انتظامیه د جواب په اړه له اسرایل سره مشوره کوي.
پېنټاګان ویلي، د امریکا د سمندري ځواکونو دوو بریدګرو بېړیو اسرایل ته د ور ویشتل شویو ایراني میزایلو د ناکاره کولو لپاره په لسګونو شنډوونکې وسیلې یا انټرسیپټر ور ویشتلي دي.
د پېنټاګان ویاند مېجر جنرل پېټریک رایډر دغه برید مهم بللی او ویلي یې دي چې امریکا له خپلې خاورې د دفاع په برخه کې د اسرایل د حق ملاتړ کوي.
د امریکا د بهرنیو چارو د وزارت ویاند مېتیو میلر ویلي، امریکا د نړۍ پر ټولو هېوادونو غږ کوي چې د ایران د برید په غندلو کې ورسره ملګري شي او دا یې "بې شرمه" او "د نه منلو وړ" بللی دی.
د ایران پوځ وایي د وسلو سیسټم یې په اسرایل کې ۹۰ فیصده ټاکلي هدفونه په نخښه کړي
پر اسرایل باندې د میزایلو تر برید وروسته د ایران پوځ ویلي، د وسلو یې سیسټم یې خپل "۹۰ فیصده ټاکل شوي هدفونه په نخښه کړي دي"، د ایران پوځ اسرایل ته په اشارې ویلي، "دوی زموږ رحم زموږ کمزوري وګڼله".
د اې پي خبري ایجنسۍ د رپوټونو له مخې ایران اسرایل ته 180 میزایل ور ویشتلي دي چې د اسرایل د پوځ په وینا دا به نتیجې ولري.
د اسرایل د پوځ ویاند رېر ایډمرل ډېنیل هګاري ویلي، د هېواد هوايي دفاعي ځواکونو یې ډېر ورتلونکي میزایل ناکاره کړي خو وایي ځینې یې د اسرایل پر مرکزي او جنوبي سیمو لګېدلي دي.
د اسرایل پوځ د نهې، سه شنبې، په ورځ په هېواد ایران حمله سنجیده ګام وبللو او ويې وېل دا به نتېجې ولري.
د روېټرز خبري ادارې ترمخه، اسرایلي پوځ دا و نه وېل چې اسرایل به په ممکنه توګه کله او څنګه د ایران د حملې جواب ورکوي.
د اسرایل د ډېفېس فورسز، ايي ډي اېف، ترجمان رېيراېډمېرل ډېنیل هېګاري وویل د ایران د حملې دلاسه يې مرک ژوبلې په اړه يې څه رپورټ نه دي ترلاسه کړی.
هېګاري وویل د ایران ځينې مزایل د اسرایل په مرکزي او په جنوبي برخو کې لګېدلي دي.
د اسرایل پوځ د نهې- شه شنبې په ورځ ویلي ایران پر اسرایل مېزایل ویشتلي او خپل اوسېدونکو باندې غږ کړې چې د دننه پناه واخلي.
په ټول هېواد کې د هوایي بریدونو سایرن غږول شوي او خلکو ته امر شوی چې د بمونو نه د پناه ځایونو ته نږدې پاتې شي.
د اسرایل اوسېدونکو ته د دننه پناه اخیستو پېغامونه په موبایل ټیلي فون لېږل شوي او د اسرایل په قامي ټیلي ویژن هم اعلان شوي .
