د افغانستان کرکټ لوبډلې د نړیوال کپ د غورایو په سیالیو کې ویسټ انډیز ته بیا ماتې ورکړه.
دواړه لوبډلې د وړاندې څخه په کرکټ ورلډ کپ کې لوبیدلو ته رسیدلي دي.
نن په هراری کې ویسټ انډیز وړومبی بيټینگ وکړو او په ۴٦.٥ اوورنو کې یې د ټولو لوبغاړو په سوزیدلو ٢٠۴ رنزونه جوړ کړل.
د افغانستان لخوا مجيب الرحمان په ٩.٥ اورونو کې ۴٣ رنزونه ورکړل او ۴ لوبغاړي یې وسوزول.
د افغانستان تکړه بېټسمین محمد شهزاد نن هم ښه لوبه وکړه او ٨۴ رنزونه یې جوړ کړل.
د غوراوي د سياليو په سپرسيکس پړاؤ کې افغانستان ائيرلېنډ ته ماتې ورکړې وه او د نړيوال کپ په سياليو کې د زغل حقدار گرځیدلې وو.
د افغانستان په بري د امرېکې په ورجينیا ریاست کې لوبې ته ناست یو افغان زلمي متين اغا وي او ای ډیوه ته وویلي وو د هغه دغه ارمان پوره شو چې د خپل هېواد ترانه د کرکټ په نړیوال کپ کې واوري او د افغانستان بیرغ د نړېوال کپ په میدانونو کې اوچت وویني.