په افغانستان کې دملگرو ملتونو یوماموروائې چې ( ایچ پنځه این یو) ویروس دهیواد په څلورم ولایت کې هم پیدا شویدی او څرگندوی چې لدی نه داسی ښکاری، دمرغانو دغه وژنکی مکروب ورو ورو په هېواد کې خپریږی .
دملگرو ملتونو دخوراک او کرهڼی دمؤسسی نطاق اسداله اظهری وائې چې دایټالې په لابراتوارکې د کاپیسا دولایت مړه چرگان معاینه شوی وو.دهغو دمعاینو نه داسی نخښی نښانی څرگندی شویدی چې د دغه ولایت په چرگانو کې دا ویروس شته دی .
ایچ پنځه این یو ویروس لاپخوا په کابل کې او په ختیځو ولایتونو ننگرهاراو لوگر کې کشف شویدی.
دملگرو ملتونو ماموروائې ، داسی گمان کیږی چې دوه نورو ولایتونو لغمان او پروان ته هم دغه ویروس رسیدلی دی مگر پدی ارتباط نورو معاینو ته ضرورت دی .
دغه ماموروائې ، دملگرو ملتونو دخوارک او کرهڼی مؤسسه دافغان مقاماتو دهغو کوښښونو ملاتړ کوی چې غواړی په ټول هیواد کې دمرغانو دمرض کلکه څارنه وکړی .
په افغانستان کې تراوسه ددی رپوټ ندی ورکړل شوی چې گوندی دمرغانو دوالگی مرض دی انسانانو ته خپور شوی وی .
