مشکوکو افراطی مسلمانانو دافغانستان او پاکستان دسرحد په دواړو خواو په امنیتی قواو باندی حملی وکړی .
دشمالی وزیرستان په قبائلی سیمه کې مامورین وائې ، نن دمیران شاه ښارگوټی ته نژدی د پاکستانی عسکرو سره د ټوپکو په ډزو کې لږترلږه اته تنه افراطیان ووژل شول . افراطیانو په یوامنیتی کتار باندی دخرپ او ترپ حمله وکړه او یوعسکر ئې وواژه چې وروسته ورباندی پوځیانو متقابله ډزی وکړی .
مخکې افراطیانو په میران شاه کې دپولیسو دوه صاحب منصبان وویشتل او وی وژل.
په گاونډی افغانستان کې مامورین وائې چې مشکوکو افراطی طالبانو د پاکستان سرحد ته نژدی د پولیسو په یوه تاڼه او په یوحکومتی دفتر باندی حمله وکړه . په دغه حمله کې د پولیسو دوه صاحب منصبان هم ووژل شول . مقامات وائې چې گڼ شمیر طالبان هم وژل شویدی مگر دقیق شمیرئې ندی معلوم .
هغه افراطیان چې د طالبانو او القاعدی سره تړاو لری د افغانستان سره د پاکستان د شمال لویدیځ غرنی سرحد په اوږدو کې له هغه وخت نه راپدی خوا فعال دی چې د امریکا په مشری ائتلاف د یو د پاسه په دوه زرم کال کې د طالبانو رژیم راوپرزاوه .
