دامریکادبهرنیو چارو دوزارت مرستیال ډینل فرائډ وائې، امریکا دترکېې سره دکردستان دکارگرو دگوند (PKK ) یا کانگره گل ترورستی ډلی په خلاف همکاری زیاتوی. ښا غلې فرائد وویل، امریکایان دترکېې ناامیدی درک کولای شی چې ددغې ډلې دحملو سره مخامخ ده . دامریکا دبهرنیو چارو دوزارت په قول (PKK ( او ددغې ډلې نورومربوطو څانگو په تیر کال کې تشدد زیات کړی و. دترکېې د لویدېځ او د استانبول په تفریحی ځایونو کې یولړ دبمونو چاودنی شوی وی او یائې دچاودلو کوښښ شوی و. یوه جدائې غوښتونکی ډله چې ځان ته دکردستان دآزادی بازان وائې، دډیرو دغو حملو مسؤلیت په غاړه اخیستی دی . گمان کیږی چې داډله د( PKK ) سره ارتباط لری . رپوټونه وائې، د PKK په زرگونو ترورستان دعراق په شمال کې دیره دی چې دغلته کردان روزی اوله سرحدنه اوړی او دننه په ترکېه کې حملی کوی . دامریکا دبهرنیو چارو دوزارت مرستیال فرائد وائې، دترکېې سره دمرستې بوه له ډیرو مؤثرو طریقونه داده چې دیو باثباته اوپرامنه عراق ملاتړوشی .په داسی یو پرمختللې عراق کې بیا ترورستان ځای نلری . ښاغلې فرائد وویل، ترکېه او عراق دواړه پدی کې علاقه لری چې (PKK ) باید له منځه ولاړه شی. دوی ووینی چې عراقی کردان په ملی حکومت کې برخه اخلی. عراق اوس یو فدرال ، ډیموکراتیک او باثباته دولت دی . دعراق دپالیسی لپاره دامریکا دبهرنیو چارو دوزارت منتظم جیمزجیفری وائې، ترکېې په سیاسی او اقتصادی لحاظ دعراق په بیا ودانولو کې یوډیر ښه معیار ساتلی دی . دی وائې، امریکا دترکېې ونډه ستائې او سترگې په لارده چې دترکېې دځینو اندیښنو په باره کې دترکېې اودعراق دنوی حکومت سره له نژدی نه کار وکړی . دامریکا دبهرنیو چارو وزیره کانډو لیزا رائس وائې، امریکا به د(PKK ) او نورو ترورستانو په ارتباط دعراق سره په گډه کاروکی چې دغه تهدید له منځه یوسی . میرمن رائس خپلی خبری ته دوام ورکوی اووائې: ١ موږ دا خبره پوره واضح کړیده چې نه غواړو دعراق شمالی سیمونه (PKK ) يا نورترورستان دترکېې په خلاف عملیات وکړی . میرمن رائس وائې، امریکا په تیروخت کې د(PKK ) په خلاف جنگ کې فعاله وه او موږ به په راتلونکی وخت کې هم فعال یو .
1
