د ناتو د دفاع وزیران چی په بروکسیل کی خبري کوی وایی چی دوی دې ته ملا تړلې چی په افغانستان کی به خپلي د سولي قواوي زیاتوی که څه هم د یاغي طالبانو حملې زیاتي شوي دي .
د ناتو عمومی منشی یاپ دی هوپ شیفر وویل چی هیچا ته باید چی دا شک پیدا نه شی چی دغه اتحاد خپل دا ماموریت نه شی تر سره کولای .
راپرځول شوو طالبانو ته وفادارو جنگیالیو په دې وروستیو میاشتو کی په افغاني عسکرو او د امریکا په مشري ائتلافی قواو باندی خپلي حملې شدیدي کړی دی .
د ناتو غړو ملکونو پخوا لا هغه پلان منظور کړی دی چی په افغانستان کی د ناتو د عسکرو شمیر د نهه زره تنو نه ١٦ زره تنو ته زیاتوی . د کاناډا ، برتانیې او نیدرلینډ اضافي عسکر به د جولای د میاشتي په آخیر کی د افغانستان جنوبي نا آرامو سیمو ته ولیږل سی .
د جرمني ددفاع وزیر وویل چی د ناتو دا ماموریت به چی امنیتی او د آبادۍ چاري یوځای سرته رسوی د افغانستان د شمال نه نورو سیمو ته هم پراختیا ومومی .
ناتو په نظر کی لری چی ددې کال تر پایه د افغانستان ختیځ ته هم خپلي قواوي وغځوی .