په افغانستان کي د امریکا په قیادت ایتلافي قوه وايي د افغانستان په جنوبي سیمه کي د ماین په یوې چاودنه کي یو عسکر وژل شوی او درې نور ټپي شوي دی.
د ایتلافي قواو د پنجشنبې د ورځي یوه اعلامیه وايي دا ماین هغه وخت وچاود چي عسکرو د هلمند د نوزاد په اولسوالۍ کي امنیتي عملیات کول. دوی وايي په اغلب گومان به دا ماین د افغانستان د پنځوېشت کلني جنگونو په جریان کي ښخ شوي وي.
په یوې بلي پېښي کي، ایتلافي او افغاني قواو د اورزگان په ولایت کي د طالبانو پر پټو ځایونو باندي د چهارشنبې دورځي په حمله کي ١٢ طالبان ووژل.
د امریکا او برتانیې عسکر د ایتلافي قواو مهمه برخه ده چي د طالبانو پر خلاف جنگېږي. د دواړو ملکونو د پوځ مشرانو پدې هفته کي اعتراف وکړ چي یاغیان له توقع څخه برخلاف قوي کېږي.
