بنو کښې ديو ځانمرګي بريد له امله دڅلورو پوليس چارواکو اؤ ٣ ميرمنو په گډون شپاړس کسان مړۀ اؤ ٣١ ژوبل شول.
دغه ځانمرګي بريد هاغه وخت وشو کله چې په يوه رکشه کې ناست ځان وژونکي په اکشار بس سټاپ کې خپل ځان ته افنجار ورکړو.
په بريد کښې په موقع موجود دڅلورو پوليس اهلکار حوالدارګل اسلم، سپاهي ذکران ، سپاهي عنايت الله ، سپاهي ادم خان اؤ ددريو نورو ميرنو په گډون ١٦ کسان مړۀ شول.
چې په وژل شوؤ کې ګڼ شمير طالب علمان هم شامل دي.
په دې ځانمرګي بريد کې ٣١ کسان ژوبل شول کوم چې علاج لپاره دبنو هسپتال ته رسول شوي دي.
سخت ژوبل شوي کسان دپيښور هسپتال ته وړل شوي دي. په ژوبلو کسانو کې هم دګڼو حالت نازک دى اؤ دمړو شمير نور سيوا کيدى شي.
1
