لاس رسیدونکی لینک

Breaking News

مشر قاضي افتخارچوهدري دَ جنرال مشرف پرضد دَ احتجاج ‏غږ ورکړی


دَ پاکستان سترې محکمې لر کړی شوي مشر قاضي افتخار محمد چوهدري په وکیلانو غږ کړې چې جنرال پرویز مشرف دَ بیړني حالت لگولو گام پرضد دې راپاسي.
نن دَ خپل کورنه چرته چې دی نظر بند دی هغه دَ ټیلي فون د لارې وکیلانو یوي غونډې ته وینا په وخت وویل چې هیواد کې دَ اساسي قانون لپاره ودریدو وخت راغلې دې.
اسلام آباد کې دَ موبائیل ټیلي فون سروس هغه وخت قطع شول کله چې نوموړي دَ ټیلي فون د لارې وکیلانو غونډې ته وینا کوله.
دَ نهې په ورځ هم دَ پاکستان پر بیلا بیلو ښارنو کې مظاهره کونکي وکیلانو آو پولیسو ترمنځ نښتې شوي دي.
دَ پاکستان پخوانۍ صدر اعظمې میرمن بینظیر بوټو نن دَ نهې په ورځ اسلام آباد ته رسیدلي. نوموړې به اسلام آباد کې دَ مخالف گوندونو مشرانو سره لیدل کتل کوي.
ټول هیواد کې د پنځلس سوه ‏(1500‎َ ‏) څخه‎ زیات وکیلان او ساسي گوندنو غړي نیول شوي دي.
خو ولې میرمن بینظیر بوټو او دَ جمعیت علماءاسلام گوند مشر مولانا فضل رحمن او دَ دوی گوندونو نور غړي نه دي نیول شوي. دسې خبرونه هم دي چې دواړو حکومت سره پټ جوړ جاړی کړې دی.

XS
SM
MD
LG