لاس رسیدونکی لینک

Breaking News

پیپلز او مسلم لیگ ‏(‎ن‏)‎ د قاضیانو بیا پر ځایې کولو باندې د موافقې ادعا کړې ده


د مسلم لیگ ‏(‎ن‏)‎ گوند مشر میا نواز شریف او دپیپلز گوند شریک چیرمین اصف زرداري ترمنځ خبرو اترو وروسته ښاغلي شریف ویلي لر کړې شوي قاضیان به د یوپارلماني قرارداد د لارې پرځایې کول کیږي.
نوموړي زیاته کړه په دې اړه د دوي ترمنځ کوم اختلاف نشته او نور معلومات به سبا د جمعې په ورځ لاهور کې ورکوي.
د پیپلز گوند مشر اصف زرداري خبرو اترو وروسته خبریالانو سره د خبرو نه ډډه وکړه.
که څه هم دواړو گوندونو د اختلاف خبرې رد کړي خو تر اوسه د قاضیانو پرځایې کولو پروسه کې ځنډ دغه هڅې مشکوکې کړې دي.
څیړونکی د قاضیانو د بیا پرځایې کولو پروسه کې د ځنډ پړه په پیپلز گوند او د گوند مشر اځف علي زرداري باندې وراچوي.
څیړونکي دا پوښتنه هم کوي چې پیپلز او مسلم لیگ ‏(‎ن‏)‎ دواړه واکمن گوندونه دي نو بیا ولې دغه خبرې په دوبۍ کې کیږي.

XS
SM
MD
LG