لاس رسیدونکی لینک

Breaking News

په اسلام اباد کې د جامعه حفصه په سلگونو طالب علمانو احتجاجی غونډه کړې ده


نن د پاکستان پایه تخت اسلام آباد کې ښځو لپاره د ویجاړې شوې مدرسې جامعه حفصه په سلگونو طالب علمانو یوه احتجاجي غونډه کړې.
د کومې بدې پیښې مخنیوي لپاره غونډه د سخت امنیتي گامونو ترڅنگ شوې ده.
د تیر اتوار په ورځ هم دغسې یوې بلې احتجاجي غونډې وروسته، بمي چاودنه کې ١٩ کسان وژل شوي وؤ.
په وژل شوؤ کسانو کې ١۴ پولیسان هم شامل وؤ.
پولیسو د جامعه حفصه ویجاړې شوې ودانۍ او لعل مسجد ته تلونکی لاری تړلې وې.
په غونډه کې د برخه اخستونکو تالاشي اخستل کېده.
احتجاجي غونډې ته د لعل مسجد د پخواني خطیب میرمن او د جامه حفصه مهتمې ام حسان وویل ددوي پرضد د ترهگرۍ تورونه بې بنیاده دي.
نوموړې د وینا په مهال د خپل خاوند د خوشي کولو غوښتنه اوکړه.
د پاکستان جمهوررئیس پرویز مشرف څو ورځې وړاندې کراچۍ کې ویلي ؤؤ که د تندروي مخنیوی و نشو نو ټول هیواد به سور جومات یا لعل مسجد جوړ شی.

XS
SM
MD
LG