امریکایي اداره : پاکستان وران لور ته روان دی

د جون وړومبۍ نیټې نه تر ١٥مې نټی پوری شوی نظرپوښتنې یا سروی تر مخه ٨٦ فیصده خلک یقین لري چې پاکستان په وران اړخ روان دی او صرف ١٢ فیصده خلک وایي هیواد سم اړخ ته روان دی.
د پاکستان په څلور واړو صوبو کې په ٥٠ ضلعو کې ٣۴٨۴ سړو او ښځو نه په دغه سروی کې پوښتنی شوي.
په ١٨ مې فرورۍ د نوي ایتلافي حکومت پرځایې کیدو وروسته د یوی نړیوالې ادارې لخوا دا اولنۍ سروې ده.
په سروې کې ٨٣ فیصده خلکو رایې ورکړه چې نوی حکومت دی د پاکستان جمهوررئیس پرویز مشرف واک نه لرې کړي.
د پاکستان اټومي سائنس پوهه ډاکټر عبدالقدیرخان چې په تیر حکومت کې یې د هیواد اټومي ټیکنالوجي بهرنیوهیوادونو ته قاچاق کولو ذمه واري په خپل سر اخستې وه او دبهرنیو هیوادنو په نظر کې ښه شهرت نه لري خو دا نظر پوښتنه ښکاره کوي چې اووه شپیته فیصده خلک د ډاکټر قدیر خان د هیواد د راتلونکې جمهوررئیس جوړیدو مرسته کوي.
دا نظر پوښتنه د امریکا اې ار ایې ادارې لخوا شوې ده.
اې ار ایې د دغه ډول نظر پوښتنو لپاره شهرت لري.
تاسو هم د دغو رایو نتیجې د محمد اکرام په غږ اوریدی شۍ.