د پاکستان جمهوررئیس آصف زرداري ویلي هغه ته د وژل شوي پخوانۍ صدراعظمۍ بې نظیر بوټو قاتلان معلوم دي او ډیر زر به یي اولس ته ښکاره کړي. ښاغلي زرداری دا خبره د خپلې مېرمن او وژل شوي صدراعظمې بې نظیر بوټو لومړی کلیزی لمانځولو په وخت د سند ایالت په گړهي خدا بخش کې کړی.
مېرمن بی نظیر بوټو یو کال مخکې پخواني جمهوررئیس جنرال پرویز مشرف په حکومت کې په ٢٧م دسمبر د پنجاب ایالت پنډۍ ښار کې د یو سیاسي جلسه په مهال وژل شوي وه.
پيپلز ګوند دوړاندې څخه غوښتنه کړې وه چې دميرمن بوټو دوژنې په اړه پلټنې بايد دملګرو ملتونو څخه وکړل شي ولې د هغه وخت حکومت دپيپلز ګوند دغه غوښتنه رد کړې وه. د ملگرو ملتونو عمومي سیکتر بان کې مون ویلي هغه تمه لري چې د بی نظیر بوټو د مرگ پلټنو لپاره به ډیر زر یو آزاد کمیسون جوړ کړی شي.
دپاکستان په مختلفو برخو کې د کلیزی په موقع دبې نظير بوټو روح ته دثواب رسولو په خاطر دقران خوانۍ او فاتحه خوانۍ محفلونه جوړ کړی شوي وؤ.
1
