دافغانستان پولې ته نزدې د پاکستان په قبائيلي سيمه شمالي وزيرستان کې طالب جنګيالو درې کسان اسلام اباد او امریکا ته د جاسوسۍ په تور وژلي دي.
د دوه کسانو مړي د شمالی وزیرستان میرعلي سیمه کې او د دریم تن مړی د مېران شاه سره نزدی موندل شوی دی. پولیس وایي چې دغه مړو سره لیک هم تر لاسه شوی.
په دغه ليک کې خبردارى ورکړل شوى چې څوک امريکا لپاره جاسوسي کوي ، انجام به يې هم دغه رقم وي.
په شمالي اؤ جنوبي وزيرستان ايجنسو کې له دې وړاندې هم ګڼ کسان امريکا ته دمخبرۍ په تور دځايې طالبانو لخوا وژل شوي.
په کال ٢٠٠١ کې د طالبانو حکومت نسکور کیدو وروسته دغه سیمې د القاعده او طالبانو لپاره زیاته خوښوږی لري.
1
