د امریکا جمهور رئیس باراک اوباما نن د خپلې واکمنۍ په لومړۍ ورځ د قامي سلامتیا ډلی سره ویني چې عراق او افغانستان په اړه د امریکې تگلاره جوړه کړي.
ښاغلې اوباما به د امریکې د گډ ځواکونو مشر ایډمرل مائیک مولن د دفاع چارو وزیر رابرټ گېټس او ځیني نوروجگپوړو پوځی چارواکو سره ویني.
د عراق په اړه نوي جمهورئیس باراک اوباما دریځ وو چې په ١٦ میاشتو کې دننه به امریکایي ځواکونه اوباسي.
ښاغلي اوباما دا هم ویلي چې هغه به دومره عسکر پریږدي چې عراق کې د ترهگرو لټون وکړي او عراقي ځواکونو ته روزنه ورکړي.
عراق سره اوسنۍ لوظنامې تر مخه ټول امریکایي عسکر به د دریو کالو کې دننه عراق نه ځي.
جمهوررئیس اوباما پلان لري چې د امریکا پخوانی جمهورئیس بوش پلان باندې عمل وکړي چې افغانستان کې امریکایي عسکرو شمېر یو په دوه زیات کړي چرته چې تشدد کې زیاتوالی راغلی دی.
د پېنټگان ویاند جیف مورال ویلي د اوباما د تگلارو تفصیلات باندې تر اوسه کار روان دی.
1