چارواکي وايي دگل په ورځ لسگونو وسله والو جنگيالو دافغانستان دقندهار ولايت په ارغنداب اولسوالۍ کې دپوليسو په يوه پوسته بريد کړى او ٨ پوليس يې وژلي دي.
دپوليسو يو مشر دنوم نۀ څرگندولو په شرط بهرني خبري اژانس سره په خبرو کې ويلي دي داتوار په شپه په لسگونو جنگيالو دارغنداب اولسوالۍ په شاهين سيمه کې دپوليسو په پوسته دگڼو اړخونو څخه بريد وکړو او ٨ عسکر يې ووژل.
په دغه بريد کې درې پوليس ژوبل شوي هم دي.
دقندهار دپوليسو مشر سردار محمد ځاځي دپوليسو په پوسته دترسره شوي دغه بريد پخلى کړى او ويلي يې دي دپيښې پلټنې روانې دي.
ددغه بريد مسؤليت طالبانو پخپله غاړه اخستى او ادعا يې کړې ده چې په بريد کې يې ١٢ پوليس وژلي دي.
1
