لاس رسیدونکی لینک

Breaking News

اوبامه هند سره د تعلقاتو نور ژورولو غږ کړې دی


دامریکې صدر باراک اوبامه د هند وزیراعظم من موهن سنگ سره د خبرو اترو ورسته ویلې دي چې دواړه هیوادونه باید د یوبل سره ملگرتیا نوره هم ژوره او همکاري نوره هم پراخه کړي.
دامریکا سرښار واشنگټن کې د صدر سرکاري استوگنه سپینه ماڼۍ کې باراک اوبامه من موهن سنگ ته تود هرکلې وړاندې کړو. اوخپلو خبرو کې يي د دواړه هیوادونو تر منځ د تعلقاتو مهموالی په گوته کړو.
باراک اوبامه اویل چې هند او امریکا د تعلقاتو په مهم پړاؤ ولاړدي او باید خپل منځو کې د تعلقاتو انگړ نور هم لوړ کړي.
هغه ددواړه هیوادونو تر منځ د یوشمیر چیلینجونوپر ضد په یوالي د کارکولو په هکله هم خبرې اوکړې چې پکې د ایټمي ټیکنالوجۍ د بې قانونه خبریدو او په موسم کې د بدلون مخنیوی، دترهگرۍ پرضد په گډه حڅې کول او نړې وال قتصاد ته وده ورکول شامل دي.
اسیاي هیوادونوته د سفر یوه هفته ورسته، باراک اوبامه اویل په دې خبرې ته زور ورکړو چې هند د نړې والو چارو یومهم لوبغاړی دی. هغه زیاته کړه چې نن امریکا یو داسې ډول هندته هرکلی وايي کوم چې نه یواځې د اسیا بلکه د نړۍ یو مشر دی.
په خپل وارخبرو کې د هند وزیر اعظم من موهن سنگ اویل چې که څه هم امریکا او هند د یوبل نه لریې پراته دي خو شریکو اقدارو د یوبل سره تړلې دي.
هغه اویل چې د تیرو څوکلونو د ملگرتیاورسته، د امریکا او هند ترمنځ تعلقاتو کې ژور بدلون راغلی دی اود ژوند داسې کوم مد نشته چې دواړه هیوادونه پکې د یوبل سره مرسته او همکاري نه کوې.
هغه اویل چې د هغه د امریکا د سفر په مهال به دواړه هیوادونه د تواناي او چاپیریال دصفا ساتلو په مدونو کې د همکارۍ لپاره لوظنامه لاس لیک کوي.
د من موهن سنگ د سفر په مهال د خبر اترو لپاره نورو موضوعاتو کې د پاکستان په هکله د امریکې پالیسي او د هند او امریکا تر منځ د غیرپوځي ایټمي همکارۍ معاهده شامله ده چې دواړو هیوادونو تیر کال ترسره کړې ده.



XS
SM
MD
LG