لاس رسیدونکی لینک

Breaking News

طالبانو تښتول شوى يوناني وگړی خوشې کړى دى


پاکستاني چارواکي وائي افغاني طالبانو ديونان هاغه وگړى خوشې کړى چې اووۀ مياشتې مخکې يې دپاکستان دچترال ديوې سيمې څخه يې دپولې پورې غاړې افغانستان ته تښتولى ؤ.
په اسلام اباد کې ديونان سفير دزيارت په ورځ ميډيا سره په خبرو کې دايتهاناسويس ليريونس دراخلاصيدو دخبر تصديق کړى او ويلي يې دي چې ديوناني وگړي سره په ټيلي فون خبرې شوي دي.
هغه وويل دغه تن اوس دپاکستان دامنيتي ادارو په خوندي لاسونو کې دى چې دجمعې تر ورځې پورې به يې اسلام اباد ته راولي.
مقامي چارواکو ويلي دي تښتونکو دغه يوناني وگړى دافغانستان په يوه سرحدي سيمه کې پريښودى ؤ چې ددغه ځايې څخه بيرته چترال ته راوستل شوى دى.
دضلعي رابطه افسر رحمت الله وزير ترمخه ددغه تن راخوشې کيدل يو گران کار ؤ خو دپاکستان استخباراتي ادارو دغه مشکل کار سرته رسولى دى..
هغه وويل وويل دغه يوناني تن دتښتول کيدو څخه وروستو دافغانستان نورستان ولايت ته بوتلل شوى ؤ او دچترال سره تعلق لرونکو مشرانو دخپل دغه غيرملکي ميلمه دراخوشې کولو لپاره داوږدې مودې راهسې دتښتونکو سره خبرې کولې او چارواکي وائي هم ددغو خبرو اترو په نتيجه کې ليريونيس خوشې کړل شوى دى.
تښتونکو ديوناني وگړي دخوشې کولو لپاره دتاوان او په پاکستان کې دبندي خپلو دريوؤ طالب ملگرو دخوشې کولو غوښتنه کړې وه خو دچترال ډي سي او وائي ليريونيس په غير مشروطه توگه خوشې کړل شوى او تښتونکو هيڅ غوښتنه نۀ ده منل شوې.
ليريونيس ديو امدادي تنظيم سره په گډه دکيلاش سيمې دخلکو دخيرښيگړې په کار مصروف ؤ او هغه په اووم ستمبر تښتول شوى ؤ.

XS
SM
MD
LG