هغه افغان کډوال چې په چاقو سره یې په جرمني کې یوه ۳۸ کلنه ښځه وهلې وه او هغه ښځه بیا وروسته مړه شوه د نهې، سې شنبې، په ورځ محاکمه کیږي.
د رسنیو له مخې، ۳۰ کلن قهرجن افغان کډوال چې نوم یې نه دی ښودل شوی، د څلورو ماشومانو مور له دې امله په چاقو وهلې وه چې د اسلام له دین څخه عیسویت ته اوښتې وه.
دغه مسلمان سړي د ادعاوو له مخې تیر کال د اپریل په ۲۹ مه نېټه د جرمني په جنوبي ښار پرایم کې د یو سوپرمارکېټ مخې ته یاده ښځه په ۲۰ سانتي متره چاقو باندې ۱۶ واره وهلې وه.
د ټروسټاین په ښار کې څارنوالانو محکمې ته وویل، چې یادې وژل شوې مېرمنې له دغه سړي څخه هم پوښتنه کړې وه چې که دی هم عیسویت ته اوړي.
د پېښې پر مهال د وژل شوې مېرمنې دوه ماشومان یو د پنځو او بل د ۱۱ کالو هم موجود وو.
په پېښه کې تورن کس له نیول کېدو وروسته ویلي دي چې دده د کډوالۍ د کیس له رد کېدو وروسته ده دا هر څه له ډیرې غوصې کړي دي.