په اسټریلیا کې مامورینو د هغو مشکوکو پېټکونو په اړه تحقیقات پېل کړې دي چې د هېواد په سرښار کېنبرا او مېلبورن ښار کې د یو شمېر هېوادونو په سفارتي ودانیو کې موندل شوې دي.
مامورینو په رسمي ډول دا نه ده په ډاگه کړې چې د کومو هېوادونو سفارتخانو یا سفارتي ودانیو ته مشکوک پېټکونه لیږل شوي دي خو په سرښار کېنبرا کې د امریکې سفارتخانې بهر د پولیس او د امدادي ادارو موټرې لیدل شوې وې.
امریکايي او برطانوي مامورینو تصدیق کړی چې کونسلخانو کې یې مشکوکو پېټکونو ترلاسه شوي دي.
د مطبوعاتي رپورټونو ترمخه په مېلبورن ښار کې د پاکستان، سوېټزرلېنډ او مصر په کونسلگریو کې هم مشکوک پېکټونه موندل شوې دي.
د مېلبورن پولیس ویلي په ښار کې د پېکټونو د ١٠ پېښور په اړه یې پلټنې پېل کړې دي چې پکې د هندوستان، جرمني، اټلي او سپېن کونسلگرۍ شاملې دي.
