د سرطان یا کینسر په اړه شوې يوه تازه سروی یا څیړنه ښايي هغه زنانه چې د سرطان مرض نه ژغورل شوي یا يې علاج شوی وي کولی شي بیا حامله شي.
دغه څیړنه زیاتوي د حمل خواهش لرونکو زنانو لپاره د حمل وړاندې د موجودو خطرو اندازه يا جاج اخستل ضروري دي.
د ډينا فاربر انسټيټيوټ سره کار کونکې اين پيرټريج وايي کله چې یوه زنانه د کینسر مرض سره تشخيص شي نو اکثره يې کيموتهيرپي کيږي او يا هارمون يې د دوايانو سره کميږی يا وددرولی شي. چې دغه زنانه د سینې کینسر سره بیا مخ نشي.
د کینسر لپاره يوه عامه دوايي ټيماکسفن ده خو دغه دوا د حامله زنانو لپاره نقصاني وي. خو کله چې يوه زنانه وغواړي چې حامله شي نو هارمون تهیرپی ورته بنده کړي شي.
ډاکټر اېن پیرټریج زياتوی د طبعي څيړنو نه ښکاره شوی د سرطان نه بچ پاتې زنانه د بیاحامله کیدو سره د کینسر بیا راستنیدو خطر نه سيوا کيږي.
دا د ډيرو ښځو لپاره د خوشحالۍ خبره ده چې غواړي د کینسر مرض نه د ښه کيدو وروسته حامله شي.
په دغه سروی کې ١٢٠٠ زنانو برخه اخستې وه. د سروی نتیجې ښايي که یوه زنانه د کینسر د علاج کيدو لس کاله وروسته وغواړي چې حامله شي نو د دغې سره د کینسر مرض بیرته راتلو خطره نه سوا کیږي.