لاس رسیدونکی لینک

Breaking News

د چین نه پس په ایران کې د کرونا وایرس دلاسه دوه کسان مړه شوي


چین کې د کرونا وایرس نه د مړو شوو کسانو تازه شمېرې سره د دغه وایرس نه په چین کې د مړو شوو کسانو شمېره 2118 ته رسېدلې

د چین د صحت قامي کمیشن ویلي د کورونا وایرس نه د شورو، چهارشنبې، د ورځ پورې لږ ترلږه 114 نور کسان مړه شوي دي او د چین نه بهر په ایران او د جاپان په ساحل د سیلګرو په سمندرې جهاز کې دوه دوه کسان د کورونا وایرس نه مړه شوي دي.

په ایران کې د کرونا وایرس دلاسه د دوو کسانو د مړه کېدو سره د چین نه بهر په نورو ملکونو کې د کررونا وایرس دلاسه د مړو شمیره لږ ترلږه 11 ته ورسېدله.

د افغانستان د عامې روغتیا وزارت ویلي د ایران په قُم ښار کې په دوه کسانو کې د کرونا وایرس پخلی د افغانستان لپاره د خطرې نښه ده ځکه چې دغه هیواد د افغانستان سره اوږد سرحدي لري او د دواړه ملکونو خلک د یو بل سره ډېر تګ راتګ کوي.

د افغانستان دصحت وزارت ویاند ډاکټر وحیدالله مایار وایس آف امریکا ته وویل یلي ایران کې په دوه کسانو کې د کورونا وایرس تصدیق وروسته افغان حکومت د ملک ټولو متعلقه ادارو چارواکو سره یو بېړنۍ غونډه کړې چې د ایران نه افغانستان ته د کورونا وایرس مخنیوي لپاره په یو پلان کار وکړي.

نوموړي وویل افغانستان به په هرات، نیمروز او فراه ولایتونو کې د ایران سره په پوله د خلکو څارنه او سکریننګ زیاتوي. وحیدالله مایار وویل تراوسه پورې په افغانستان کې د کرونا وایرس یو پېښه هم مخې ته نه ده راغلې. نوموړي وویل د چین په نسبت د ایران نه افغانستان ته د کورونا وایرس منتقل کېدو خطره زیاته ده.

د افغانستان د عامې روغتیا وزیر ډاکټر فیروزالدین فیروز د نهې، سې شنبې، په ورځ په بلخ ولایت کې د کرونا وایرس د تشخیص د یوې ځانګړې څانګې پرانیستلو.

د چین په ووهان ښار کې ۴١ افغان زدکونکي هم موجود دي او سخت قرنطین لاندې ژوند کوي. د وي او ای اشنا څانگې د یو رپورټ ترمخه د افغانستان د روغتیا وزیر ډاکټر فیروزالدین فیروز ویلي و چې له چین څخه د افغان محصلینو په ایستلو سره باید د ۳۰ میلیونو افغانانو ژوند په خطر کې وانه چول شي.

او په پاکستان کې هغه پاکستاني طالبعلمانو ميندو پلرونو او خپلوانو په اسلام اباد کې د يو احتجاج په وخت د حکومت نه غوښتنه کړې چې د دوی بچي دې د کرونا وايرس د مرکز ووهان ښار او د نورو چينايي ښارونو نه ژر تر ژره راوباسي او خپل وطن دې یې را ستانه کړي.

د پاکستان حکومت دريځ لري چې دوی د کرونا وایرس د مخنيوي په خاطر د چين نه خپل وګړي نه راولي او وايي هلته به د خپلو وګړو د دارو درملو او نورو اسانتياوو خيال ساتي. د حکومت په دغه دريځ يو شمېر حکومت مخالفه ډلې نيوکې کوي چې نورو هېوادونو په وخت خپل وګړي د چين نه ويستلي او پاکستان د خپلو وګړو د راويستلو هېڅ غم نه کوي چې په چين کې په دغه ناروغۍ د ا خته کېدو د خطر سره مخ دي او د دوی مور پلار هم د دغو اندېښنو ښکار دي.

اخوا د سیلګرو نه ډک سمندرې جهاز ډایمنډ پرنسز دفرورۍ دریمې نېټې نه د جاپان ساحلي ښار یوکوهاما سره نزدې ولاړ دی. د جاپان د صحت چارواکو په جهاز کې موجود ټول 3700 مسافر او عمله د نورو خلکو نه ځان له ساتلې. په دغه جهاز کې 621 کسان د کرونا په وایرس اخته شوي.

چین کې د کرونا وایرس نه د مړو شوو کسانو تازه شمېرې سره د دغه وایرس نه په چین کې د مړو شوو کسانو شمېره 2118 ته رسېدلې. د چین قامي کمېشن په 394 نورو کسانو کې د کرونا وایرس پخلی کړی کومه چې ددې یوه ورځ وړاندې شمېرې نه ډېره کمه ده. چین تېره ورځ په ټول ملک کې په یو ورځ کې په 1749 کسانو کې د کرونا وایرس تصدیق کړی وو. ددې سره په کرونا وایرس د اخته کسانو شمېره 74،576 ته رسېدلې.

چین تراوسه پورې د کرونا وایرس د مخنیوي لپاره سخت کوششونه کوي. د کورونا په وایرس د اخته کېدو اولنۍ پېښه د دسمبر په میاشت کې د چین هوبی صوبې په ووهان ښار کې رامنځ ته شوې وه. دغه ښار تراوسه پورې په مکمله توګه باندې د ملک د نورو برخو نه ځان کړی شوی او ووهان ښار ته د ګاډو تګ راتګ په مکمله توګه باندې بند کړی شوی.

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:57 0:00

بي بي شیرینه

بي بي شیرینه – په ټیلې ویژن
please wait

No media source currently available

0:00 1:59:58 0:00

Recommended

XS
SM
MD
LG