د فرانس پاتیخت پېرس کې یو تن په چاړه پنځه کسان وهلې دي چې یو تن پکې ژوند دلاسه ورکړی او د داعش وسلوالې ډلې د حملې ذمه واري په غاړه اخیستې ده. دغه حمله د خالي، شنبې، په ورځ شوې ده.
پولیس ویلي حمله کونکی چیچنیا نژاد فرانسوي شهري و چې د تندلارو سره د اړیکو په لړ کې د امنتي ادارو د نظر دلاندې و.
د فرانس پولیس د حمله کونکي مور او پلار یې نیولې دي.
حمله کونکي پنځه کسان په چړو ووهل چې یو ٢٩ کلن تن پکې ژوند دلاسه ورکړی دی. د فرانس د کورنیو چارو وزیر جرارډ کولومب ویلي د څلورو نورو کسانو ژوندونه د خطر نه بهر دي.
حمله کونکی پولیس په موقع ووژلو. د کورنیو چارو وزیر د پولیس د عملیاتو ستاینه وکړه.
داعش وسلوالې ډلې د حملې ذمه واري منلې ده او حمله کونکی یې خپل یو عسکر بولی دی.
یو حکومتي چارواکې خبریالانو ته وویل چې حمله کونکي د حملې په وخت د الله اکبر نعرې پورته کولې. هغه وویل د پیښې په اړه به د ترهگرۍ تحقیقات پېل کولی شي.
د فرانس صدر اېمینیول مېکران په ټوېټر خپل پیغام کې وویل فرانس به د ازادۍ د دښمنانو په وړاندې یو انچ هم شاته نشي.
د پیرس پولیس په ټوېټر ویلی حمله د پاتیخت د گڼې گوڼې په برخه کې شوي چرته چې خلک رېسټورانټونو او اپره تېټر ته ورځي.
په تیرو دریو کلونو کې په پیرس کې یو شمیر د ترهگرۍ حملې شوي دي نو هم په دې وجه ښار کې د امنیت سخت گامونه اخیستل شوي وي.
