لاس رسیدونکی لینک

Breaking News

مامورین د جرمني هغه ګوند څارل غواړي چې د مسلمانانو او مهاجرینو په ضد د کرکې راپارولو الزام پې پورې کېږي


د رپورټ د لیکوالانو په نظر ای اېف ډي د مسلمانانو او د مهاجرینو په ضد نفرت راپاروي او په ملک کې داسې زهرجنه سیاسي فضا جوړوي چې د تشدد د خپرېدو خطر وي پکې. د رپورټ مصنفین وايي د ای اېف ډي د جرمن حکومت او د نورو سیاسي ګوندونو د ردونې حوصله افزايي کوي

د جرمني استخباراتي ادارې ویلي داسې شواهد موجود دي چې په بنیاد یې د ښي لاس د حکومت تر ټولو لوی مخالف ګوند "الټرنېټیو فار جرمني" یا ای اېف ډي غیر اييني او د جمهوریت په ضد بلل کېدی شي.

په ګوند د مسلمانانو او د مهاجرینو په ضد د جذباتو راپارولو الزام هم پورې کېږي.

په داسې حال کې چې په جرمني کې انتخاباتو ته شپږ میاشتې پاتې دي د ایین د تحفظ وفاقي دفتر بي اېف وي غواړي چې عدالت د دې خبرې سره اتفاق وکړي چې د ټول ای اېف ډي پارټۍ څارنه شروع کړي.

ای اېف ډي د څارنې په ضد عدالت ته خواست کړی دی او د جمعې په ورځ یو عدالت وویل ترڅو د پارټۍ په خواست فېصله نه وي شوي د ګوند څارنه دې نه شروع کېږي.

که چېرې عدالت د دې خبرې سره اتفاق کوي چې ای اېف ډي دې جمهوریت دپاره خطر وبلل شي نو بیا به یې حکومتي اداره د غړو او د پارټۍ څارنه شروع کړي، د پارټۍ مواصلات په په خفیه طریقه اورېدل کېږي او مخبران به پکې په ځای کولی شي.

ای اېف ډي وايي دغه ګام د جمهوریت خلاف دی او د انتخاباتو نه وړاندې د ولس په فکر د اثرانداز کېدلو کوښښ دی چې د نورو ګوندونو په مقابل کې به پارټي په مساوي توګه په انتخاباتو کې د برخه اخیستلو نه منع کوي.

خو د نورو ګوندونو سیاستوال د ای اېف ډي د څارنې حمایت کوي.

د چانسلرې اېنګلا مرکېل د سیاسي ګوند کرسچین ډېموکرېټس اتحادي پارټۍ سي اېس یو د داخلي چارو ترجمان ولکر اولریچ وايي د دفاع وړ جمهوریت مطلب د ازاد جمهوري نظام د مخالفینو په ضد و جنګیدل دي.

د ګرین پارټۍ د پارلېمنټ غړی کونسټانټېن وان ناټز وايي تاریخ هم ښودلي چې د قانون مخالفین هم منتخب کېدلی شي او بیا دغه کسان حمهوریت او د قانون عملداري ختمه کړي.

د وي او ای د انګریزۍ څانګه په خپل رپورټ کې وايي که چې بي اېف وي د عدالت منظوري ترلاسه کړي نو دا به یو تاریخي ګام وي خو ای اېف ډي به لومړی ګوند نه وي چې د څارنې لاندې په راشي.

د ګس (چپ) لاس ډای لېنک ګوند د ۲۰۰۷ نه تر د ۲۰۱۴ پورې د تندورۍ په شک څارنه شوي وه خو د دویم نړیوال جنګ نه پس به دا لومړی ځل وي چې یو مرکزي پارلېماني پارټي به د څارنې لاندې وساتل شي.

د جرمني استخباراتي چارواکي وايي په ۲۰۱۳ کې د جوړېدو نه پس د مهاجرت مخالف او يورپي اتحاد ته د شک په نظر کتونکي دغه پارټي د ښي لاس انتها پسندۍ په لورې تللي ده.

د وي او ای رپورټ وايي د بي اېف وي بنیادي توجه په ای اېف ډي کې دننه په فلوګل څانګې ده چې په رسمي ډول پې پابندي لګول شوي ده خو د دغې څانګې پلویان اوس هم فعالیت ترسره کوي او اثرروسوخ یې په زیاتېدو دي.

د ای اېف ډي د هدف کولو د بي اېف وي د فېصلې نه وړاندې یو کال څېړنه شوي وه چې په نتیجه کې یې د ۱۰۰۰ پاڼو رپورټ تیار کړی شوی دی. په څېړنه کې د ای اېف ډي د ۳۰۲ مشرانو د تقریرونو او سوشل میډیا پوسټونو ته کتنه شوي ده.

د ډرشپګل مجلې ترمخه ای اېف ډي د جمهوریت سره تعلق په اړه پوښتنې راپورته کېدلی شي او د انساني حقونو په اړه منفي سوچ لري.

د رپورټ د لیکوالانو په نظر ای اېف ډي د مسلمانانو او د مهاجرینو په ضد نفرت راپاروي او په ملک کې داسې زهرجنه سیاسي فضا جوړوي چې د تشدد د خپرېدو خطر وي پکې. د رپورټ مصنفین وايي د ای اېف ډي د جرمن حکومت او د نورو سیاسي ګوندونو د ردونې حوصله افزايي کوي.

د رپورټ د څیړونکو ترمخه ای اېف ډي جمهوري نظام او سیاسي مخالفینو ته د کرکې په نظر ګوري چې له امله داسې ډول تشدد راپارېدلی شي چې د جنورۍ په شپږمه نېټه په واشنګټن کې د پخواني صدر ډانلډ ټرمپ پلویانو راپارولی و او پکې د کیو ای نون په رنګ د سخت دریځه ډلو پلویانو د امریکې د کانګرس په ودانۍ یرغل کړی و.

د رپورټ مصنفینو په اګست کې د جرمني په پارلېمنټ د یرغل ذکر هم وکړو چې د سلګونو په تعداد کې د پارلېمنټ د ودانۍ چاپیره حصار ور وختل او ځینو پکې د پخواني جرمن سلطنت تور، سره او سپین بېرغونه پورته کړي وو. دغه رنګونه په یو وخت کې نازیانو هم خپل کړي وو. پولیس احتجاج کونکي بېرته وتنبول.

XS
SM
MD
LG