د متحده عرب امارات او اسرایل خارجه وزیرانو د نهې، سه شنبې، په ورځ د جرمني په برلن ښار کې ملاقات وکړو چې د جرمني خارجه وزیر وویل د ملاقات مقصد د اسرایل او یو ای ایي تعلقات نور مضبوطوول او په منځني ختیځ کې امن ته وده ورکول وو.
د جرمني خارجه وزیر هایکو ماس وویل د ملک دپاره یې دا د فخر خبره وه چې د اسرایل او متحده عرب اماتو خارجه وزیرانو د تاریخي ملاقات دپاره برلن غوره کړو.
اسرایل او متحده عرب امارت د امریکې په منځګریتوب تېره میاشت د سفارتي تعلقاتو قایموولو معاهده لاس لیک کړه. په دې اړه رسمي دستوره په وایټ هاوس کې وشوه.
د اېسوسي اېټېډ پرېس خبري ادارې ترمخه په برلن کې د خبرو په مهال به اسرایل او متحده عرب امارت د ایند تعلقاتو دپاره چوکاټ پرځای کوي.
جرمن خارجه وزیر هایکو ماس وویل په یو بیانک ې وویل په سفارتکارۍ کې تر ټولو اهمه خبره اعتماد وي "او زه په شخصي توګه د دواړو همکارانو مشکور یم چې په جرمني یې اعتماد وکړو...مونږ د خپل وس هر څه کوو چې د اینده خپلو دوه اړخیزو تعلقاتو ته شکل ورکولو دپاره د دواړو ملکونو د مکالمې ښه کوربانه شوو."
دریو واړو خارجه وزیرانو په برلن کې د هالو کاسټ یا د نازي جرمني په وخت د یهودیانو د قتل عام د یادګار دوره وکړه.
د یو ای ايي حکومتي خبري ادارې اېمریټس نیوز اېنجسي وویل خارجه وزیر شیخ عبدالله بن زاید النهیان هایکو ماس او د اسرایل خارجه وزیر ګېبي اشکنازي ته د هالوکاسټ د یادګار په اړه وویل چې دغه څلې په دنیا کې د زغم او د یو بل سره په شریکه د ژوند تیرولو اهمیت په څرګندوي.
ای پي وايي درې واړه خارجه وزیران ورسته د برلن په مضافاتو کې په یوه حکومتي مهمان خانه کې د تړل شویو دروازو په شا خبرو ته کښېناستل.
مطبوعاتو ته وروسته په یو بیان کې شیخ عبدالله او اشکنازي یو بل ملګري وبلل او د همکارۍ ژمنه یې وکړه.
