لاس رسیدونکی لینک

Breaking News

د ایران عراق په سرحدي سیمو کې زورورې زلزلې ۱۲۹ تنه وژلي


تیره شپه ناوخته د ایران او عراق په پوله زوروره زلزله راغلې چې زور يې ۷.۳ درجه ریکارډ شوی. د لومړي رپورټونو تر مخه دغه زلزلې یو شمیر کلو ته نقصان اړولی دی.

د ايران دولتي ټيلي ويژن ترمخه ۱۲۹ کسان وژل شوي او په عراق کې د وژل شوؤ کره شمېره نه ده مالومه شوې.

د عراق کردستان حالابجا ښارګوټی چې د ایران پولې سره لږیدلی دغه زلزلي زیات اغیزمن کړی، د زلزلی زور تر ترکي او اسرایل رسیدلی دی.

د رپورټونو تر مخه د لومړۍ زلزلي لږ ساعت وروستو د ۵.۳ درجې یا میګنیچیوډ دویمه زلزله یا افټر شاکس خلک د خپلو کورونو په تیښته مجبور کړي دي.

په عراق او ايران کې د چارواکو په وینا په دغه زلزله کې د مړو شوو کسانو شمیر سیوا کیدی شي.

ځګه ګڼ کلي او سیمې داسې دي چې د ښارونو لرې پراته دي او دغلته امدادي کومک رسیدو کې به وخت لږي.

د زلزلي وروستو د ګڼو کلو او سیمو برق یا بجلي هم بنده شوې.

XS
SM
MD
LG