د ایران خارجه وزیر جواد ظریف ویلي د امریکائي سنټرانو خط چې ایران، امریکا او د نورو نړي والو قوتونو ترمنځ ایټمي معاهده د صدر براک اوباما د صدارت ختمیدو ورسته ردیدی شي، ښائي په امریکا اتبار نشي کیدی.
تهران کې د مذهبي مشرانو غونډې ته وینا کې، ښاغلی ظریف وویل چې د امریکې د ایوان بالا یا سنیټ د ۴٧ غړو لخوا خط لاثاني او "غیر سفارتي" دی. "په حقیقت کې دې (خط) مونږ ته وښودل چې مونږ په امریکا اتبار نشو کولی،" ایراني خارجه وزیر وویل.
د گل یا دوشنبې په ورځ ایران ته لیږل شوي خط کې د ریپبلیکن پارټۍ سنیټرانو وویل ایران سره د صدر براک اوباما معاهده به کال ٢٠١٧ کې د براک اوباما د صدارت ختمیدو سره سمه ختمه شي.
نورو حکومتونو سره د امریکې د خارجه تعلقاتو دنده همیشه د امریکې صدران او سفارتکاران ترسره کوي، خو د سنیټرانو خط د صدر اوباما ناخوښي راپارولې ده.
صدر براک اوباما ویلي امریکائي سنیټرانو ځانونه د ایران مذهبي سخت دریزه مشرانو سره یوځائې کړی دی. "دا غیر معمولي اتحاد دی،" براک اوباما وویل.
تهران ته لیږل شوي خط کې د سینټرانو ډلې وویل که چرې ایران سره امریکا او د نړۍ پنځه ؤ نورو قوتونو د کانگرس د منظورۍ بغیر معاهده لاس لیک کړه نو حيثیت به يي د صدر براک اوباما او د ایران روحاني مشر ایت الله خامنائي ترمنځ د صدارتي فرمان نه زیات څه نه وي.
