په داسې حال کې په شام او عراق کې داعش وسله واله ډله د ماتي سره مخامخ ده، یوه څېړنه ښايي د ډلې انگریزي ژبه ویونکو پلویانو یې حمایت نه دلاسه نه دی ورکړی او گڼي چې داعش اوس هم خپل صلاحیت او قوت لري.
د جارج واشنگټن یونیورسټۍ د تندورۍ په اړه پروگرام د زیارت، پنجشنبې، په ورځ شائع شوي یو رپورټ کې ویلي په تېرو ١٦ میاشتو کې یې په انېټرنېټ د پېغام رسانۍ ویب پاڼې ټېلېگرام د داعش پلوه ٦٣٦ چېنلونو او ډلو پېغامونو ته کتنه کړې ده چې څرگندوي انگریزي ویونکي د داعش پلویان اوس د ډلې کلک حمایت کوي.
رپورټ وايي په داسې حالې کې چې د امریکې په مشرۍ کې ائتلافي ځواکونو په شام او عراق کې داعش ته ماتی ورکړی او د ډلې مشرانو په خپلو پلویانو عږ کړی چې د داعش په نورو صوبو کې دې پرمختگ ولټوي، د داعش انگریزي ویونکو پلویانو د داعش په خلافت خپل یقین څرگندولو دپاره ټېلگرام ته مخه کړې ده.
د رپورټ یو لیکلوال بېنېټ کلېفرډ وایس اف امریکا ته وویل د داعش دغه پلویان په سختو جنگونو کې جنگېدل غواړي او د دوی په خپل منځو کې خبرې ښايي دوی د ماتې نه توجه لرې کول او دجنگ دپاره جواز پېدا کول غواړي.
د وي او ای د انگریزۍ رپورټ ترمخه، د داعش انگریزي ویونکي حمایتیان نه یوازې خپلو عقیدو ته هوا ورکوي بلکې د داعش په حق کې د نورو خلکو پروپگېنډه هم په وړاندې بوزي او د پلویانو ته د ترهگرۍ د حملو چلونه هم ښايي.
کلېفرډ وايي د داعش دغه پلویان بیانیه په خپل حق کې د بدلولو کوښښ دی.
د داعش پلویانو د کال ٢٠١٥ راهسې د ټېلگرام استعمال شروع کړې دي. ټېلگرام نه یوازې په گړندۍ توگه د پېغام رسانۍ دعوه کوي بلکې وايي په دغه پلېټ فارم لېږل شويو پېغامونو ته نور څوک رسايي نشي لرلی.
د داعش په پلویانو کې د ټېلگرام د مقبولیت یوه وجه دا هم ده چې په کال ٢٠١٥ کې فېس بک او ټوېټر په خپلو پلېټ فارمونو د داعش د پروپگېنډې خلاف گامونه پورته کړل.
ټېلگرام دا هم وايي د استعمال کونکو معلومات حکومتي مامورینو سره نه شریکوي نو ځکه هم داعش د خپلو پلویانو د منظم کولو او وډیو گانو د شریکولو دپاره دا پلېټ فارم کاروي.
د جارج واشنگټن یونیورسټۍ رپورټ وايي د ټېلگرام نه پرته بل کوم پلېټ فارم د استعمال کونکو دپاره د تحفظ داسې قسم خصوصیات او اسانتیا نه لري نو ځکه هم د داعش فعالان ورته اوړېدلې دي.
په داعش نظر ساتونکي مامورین د ټېلگرام په اسانه د استعمال په اړه تشویش لري او وايی حمله کونکو هم د دې د لارې په کال ٢٠١٥ کې په پېرس، په کال ٢٠١٦ کې په برلن او په استنبول د حملو منصوبه سازي کړې وه.
د وي او ای رپورټ وايي د دغو حملو هدایات په شام او عراق کې میشته د داعش مشرانو جاري کړي وو خو د دې نه علاوه د داعش نورو انگریزي ویونکو سهولتکارانو هم د ټېلگرام نه گټه پورته کړې ده.
د جارج واشنگټن یونیورسټۍ د رپورټ لیکوال بېنېټ کلفرډ وايي په دغو کې یوه د داعش فعاله ٣٦ کلنه کېرن ائیزا حمیدن وه چې د امریکې نه واخلې تر د سنگارپور پورې یې د ډلې د فعالانو د متحرک کولو دپاره یې د ټېلگرام نه کار اخیستی و.
حمیدن په کال ٢٠١٧ کې د فلپاین چارواکو نیولې ده. په هغې الزام دی چې د داعش د هندوستان صوبې په قیام کې یې کردار ادا کړی دی.
د داعش بل پلوي اشرف اسافو اېف بي ايي په شکاگو کې نیولی دی. د امریکې د انصاف وزارت ترمخه، اسافو د خطاب مېډیا فاونډیشن غړی و چې د داعش پروپگېنډه به یې خوروله.
د داعش د پروپگېنډې د دغو فعالانو نیول کېدل ښايي چې قانون عملي کونکی ادارې د ټېلگرم په عملیاتو کې د داخلېدو صلاحیت لري.
