لاس رسیدونکی لینک

Breaking News

کماله هیرس: د امریکا لومړۍ تور پوستې مېرمن، د کډوالو لور او هندي نسله ناېب صدره


نصرالله:

د غیرسرکاري انتخابي نتېجو تر مخه د امریکا ناېب صدره کمالا هېرس د امریکا د تاریخ لومړۍ میرمن شوه چې د ناېب صدرې په هیڅ به څوګند پورته کوي.

کماله هیرس لومړۍ ښځه، تورپوستې، د کډوالو لور او هندي نسله ښځه شوه چې په امریکا کې په دومره لوړه څوکې وټاکل شوه.

مېرمن هېرس د دوو پیړیو څخه روان د امریکا هغه روایات هم بدل کړو چې د امریکا مشري به تل سړو ،‌ په خاصه توګه سپېن پوستو سړو کوله.

شپږ پنځوس کلنه کمالا هېرس د کلیفورنیا ایالت نه د ډیموکرېټ ګوند سېنیټره وه. د هغې مور یې د18 کالو په عمر کې د هندوستان نه او پلار یې د جمیکا نه امریکا ته د کډوالو په هیڅ راغلي وو.‌

نوموړي‌ په اصلي توګه د امریکې بېلا بېلو نسلونو یو والی (اتحاد) ښايي، کوم چې د امریکا د طاقت په ځاینو کې ډیر کم لیدلې کیدو.

د یو تور پوستې امریکایۍ په حیث کمالا هېرس ډیر په ښکاره توګه د پولیسو د زور زیاتو او په امریکايي نظام کېد نسلي توپیر پرضد غږ پورته کړی دی. د هغې بریا هغه میرمنو ته حوصله او ډاډ ورکوي څوک چې څلور کاله وړاندې د هیلري کلنټن له ماتې سره نا امیده شوې وې.

کله چې د ډیموکریټ ګوند لخوا د صدارت د امیدوار جوړیدو لپاره نوموړې خپلې هلې ځلې ختمې کړی نو ښاغلي بایډن د ځان سره کمالا هیرس د مرستیالې صدرې په توګه ونومله او د غیرسرکاري نتېجو تر مخه صدر ټاکل شوي جو بایډن سره به د امریکا د مرستیالې صدرې په توګه د جنورې په 20مه نېټه څوګند پورته کوي. میرمنه هېرس د تیرو دوه لسیزو راهیسې د ډیموکریټ ګوند په سیاست کې یو ځانګرې ستوری په حیثیت راپورته شوی.‌

د امریکې د سینټ د غړي جوړیدو نه مخکې کمالا د سان فرانسسکو ولسوالۍ د اټارني‌ یا وکیلې او بیا د کېلیفورنیا ایالت لوی څارنوالې یا اټارني جنرل په توګه دنده ترسره کړي.

د جو بایډن سره مرستایلې په توګه د کمېلا هېرس ټاکنه خورا اهمیت په دې لري چې هغه به ترټولو زوړ (زیات عمر) صدر وي چې د 78 کالو په عمر کې به څوګند پورته کوي. او په کال 2024م کې د دویم ځل لپاره د صدر په حیث په ټاکنو کې د برخه اخستو ژمنه هم نه ده کړې.

کمېلا هېرس په کال 1964 پېدا شوی، د مور نامه یې شماله ګوپلان او د پلار نامه یې ډانلډ هېرس دی. مور یې د هندستان او پلار یې د جمیکا نه امریکا ته راغلی تور پوستی وو.

کمېلا هېرس د هاورډ یونیورسټې نه سبق ویلې چې په تاریخې توګه تور پلوه کالجونه او پوهنتونونه دي. د مېرمن هېرس بریا کولی شي ډیرو تور پوستو مېرمنې سیاست ته وهڅوي.

XS
SM
MD
LG