د کراچۍ په وضعيت حکومت د ټولو سیاسي گوندنو کانفرنس راغوښتى

د پاکستان د سندهـ ايالت په کراچۍ ښار کې دامنيت دخراب وضعيت په نظر کې نيولو سره حکومت دجنورۍ په 27مه نيټه ټول گونديز کانفرنس رابللى دى.
له دې وړاندې دسندهـ داخله وزير ذوالفقار مرزا وئيلي وؤ تيره ورځ په کراچۍ کې درينجرز ځواکونولخوا په ترسره شوؤ عملياتو هغه په باور کې نۀ ؤ اخستل شوى .
دسندهـ اسمبلۍ غونډې ته پخپله وينا کې ذوالفقار مرزا وويل د رينجرز ځواکونو ته د واک ترلاسه کولو لړ کې به هغه څخه د اجازې اخستو ضرورت وي اؤ که چرې هغه وغواړي نود رينجر ځواکونو څخه ټول واک بيرته اخستلى شي.
له دې وړاندې دپاکستان دکورنيو چارو وزير رحمان ملک دکراچۍ په هوائي ډگر خبريالانو سره په خبرو کې وويل دکراچۍ دعملياتو څخه هم خبر نۀ ؤ.
ښاغلي ملک وويل دغه عمليات دانتظاميې معامله وه او په انتظامي معاملو کې هغه لاس وهنه نۀ کوي.
رحمان ملک وويل هغه دصدر زرداري او وزيراعظم يوسف رضا گيلاني په ځانگړې وينا کراچۍ ته راغلى.
نوموړي دا هم وويل په کراچۍ کې مختلفو شخصياتو، گڼو صحافيانو او سندهـ اسمبلۍ ته خطرې وې چې ناکامه کړل شوي دي.
هغه دا هم وويل چې زمونږ په استخباراتي معلوماتو هدفي وژونکي نيول شوي شوي دي او داستخباراتي معلوماتو له لارې په ترهه گرۍ قابو موندل کيدلى شي.
هغه وويل ترهه گر چې دهغه ځايې څخه راغلي وي ايجنډا يې پاکستان بې ثباته کول دي.
ديوې پوښتنې په ځواب کې رحمان ملک وويل په تحفظ ناموس رسالت قانون کې کوم بدلون نۀ کيږي.
په کراچۍ کې داړي گړي داوسني بهير له امله قانون پځايې کوونکو ادارو په دغه ښار کې دوه ورځې دمخه عمليات کړي او د200ؤ څخه زيات کسان يې نيولي وؤ.
درينجرز ځواکونو لخوا دغه عمليات وروستو له ترسره شوي وؤ چې تيره اوونۍ په کراچۍ کې داړي گړي او هدفي وژنو په پيښو کې د40ؤ څخه زيات کسان ووژل شول.