د افغانستان صدر حامدکرزي د افغانستان او پاکستان د پاره د امریکا خصوصي مارک گراسمین سره د اتوار په ورځ په کابل کې لیده کاته کړې دي او دواړو هیوادونو تعلقاتو، افغانستان کې د امن او په یو شمیر نورو موضوعات خبرې اترې کړې دي.
د صدر حامد کرزۍ د دفتر لخوا جاري بیان کې ویل شوې په لیده کاته کې د افغانستان او مریکې په اړیکو، سیمې په حالاتو، د افغانستان، پاکستان او امریکا ترمنځ د مناسباتو غور شوی دی.
ددې ترسنگ، صدر حامد کرزۍ او مارک گراسمین د افغانستان امریکا ترمنځ د ستراتیژیکو اړیکو، د سولې د پروسې او له نړیوالو ځواکونو څخه افغان ځواکونو ته دامنیتي مسوولیتونو د سپارلو په موضوع هم خبرې وکړې.
صدراتي بیان کې ویل شوې د افغانستان او پاکستان لپاره د امریکا استازي د سیمې یو شمېر هېوادونو ته د خپلو سفرونو په اړه معلومات حامد کرزۍ ته ورکړل.
همدا راز حامدکرزي افغانستان ته د پاکستان وزیر اعظم یوسف رضا ګیلاني د سفر او له افغان لوري سره د هغوی د خبرو اترو په باب معلومات ورکړل.
دواړو لورو په دغه کتنه کې د سولې په ټینګښت کې د پاکستان رول مهم وباله او د دغه هېواد د همکارۍ په پراختیا باندې یې ټینګار وکړ.
د افغانستان لپاره د امریکا استازي یوځل بیا په افغانستان کې د سولې له بهیر څخه ملاتړ اعلان او په دې اړه یې د خپل هېواد د همکارۍ ډاډ ځرګند کړ.
حامدکرزي په دغه کتنه کې په دې باندې ټینګار وکړ چې له نړیوالو ځواکونو څخه افغان ځواکونو ته په ښه توګه دامنیتي مسوولیتونو د سپارلو د بهیر ترسره کیدل او د امریکا له لوري د سولې له بهیر څخه ملاتړ د افغانستان او امریکا ترمنځ د ستراتیژیکو اړیکو د ټینګښت لپاره مهم ګامونه دي چې باید جدي پاملرنه ورته وشي.
په دغه کتنه کې د بهرنیو چارو وزير ډاکتر زلمي رسول، د ملي امنیت سلاکار ډاکتر رنګین دادفر سپنتا او دجمهوري ریاست د عالي مقام د دفتر ریس عبدالکریم خرم هم ګډون کړی و.
