لاس رسیدونکی لینک

Breaking News

سنیټر باب کروکر د شام په اړه روانو خبرو اترو نه مطمئین نه دی


د امرېکاد سېنټ د خارجه چارو د کمېټۍ مشر او د رېپبلګن پارټۍ غړي باب کروکر په شام کې د خانه جنګۍ د ختمولو او سولې په اړه روانو خبرو اترو په حقله شکونه څرګنډ کړي او وايي داسې امکان کم دی چې دغه خبری به یا خو د شام روانه خانه جنگي ختمه کړي او یا به صدر بشارالاسد خپله چوکۍ پریږدي.

د ګل په ورځ د واېس اف امریکا سره په یوه تفصيلي مرکه کې ښاغلي کروکر وېلي:" دا محال داسې څه ویل ګران دي. د نورو په شان زه هم سفارتکاری یا خبرې اترې یو غوره حل ګنړم. خو په موجوده حالاتو کې چې کوم څه روان دي دغه مناسب نه دي."

په جینېوا کې د ملګرو ملتوو له خوا روانو دغه خبرو اترو په دویمه ورځ په شام کې د شېعه مسلمانانو په یومزار برید کې ګنړشمیر کسان وژل شوي. بل خوا د حکومتي عسکرو لخوا د یاغیانو په سېمه کې عملیات هم دوام لري. ښاغلي کروکر زیاته کړی د یاغیانو له خوا د خبرو اترو وړمبی شرط هم دغه وو چې دغه عملیات دی اودریږي. او تر دی دمه لا دغه نه دی عملي شوی.

د سېنټ د خارجه چارو د کمېټۍ چېرمین واېي:" کومه بشري غوښتنه چې دوي (یاغیانو) کړی وه هغه لا نه ده پوره شوی. او نه د ښځو او ماشومانو د خوشي کولو لپاره څه شویدي. په خاصه توګه هغه ماشومان کوم چې د زنانو سره د جنسي زیاتي له امله پیدا شوي."

د ګل په ورځ بیا دغه خبری د سبا پوری اوځنډول شوي. او د ملګرو ملتونو خصوصي استاذي سټېفن دی مستورا د مخالفه ډلو د مشرانو سره دوه ساعته ملاقات هم کړی. هم د اتوار په ورځ د امریکا د خارجه چارو سېکتر جان کېري ټولو ډلو ته خبرداری ورکړی چې د خبرو اترو مېز ته دي راشي.

ښاغلی کېري د اتوار په ورځ زیاته کړی وه ځه دواړه ډلو ته خواست کوم چې ددی موقع نه دی ګټه پورته کړي او په سنجیده خبرو اترو کې دی برخه واخلي. او د راروانو ورځو لپاره دی مناسب ګامونه پورته کړي.

خو د ښاغلي کروکر په وینا د شام صدر بشرالاسد د واک اختیار پریښودو او یا د خپلو بدو عملیاتو پرېښودو څه جواز نشته او هغه هم هغه شان په جنګي میدان کې پرمختګ کوي. د سېنټ د خارجه چارو د کمېټۍ مشر واېي:( په شام کې په زمکه حالات بدلیږي، تاسو روس وېنۍ چې په شام کې موجود دی او ددغو او ایرانیانو په مرسته به صدر اسد نوری ګټې هم ترلاسه کوي.

XS
SM
MD
LG