د پاکستان د قبائيلي سيمې خېبرايجنسۍ په تېراه سيمه کې په بمي چاؤدنه او عملياتو کې اووه مشکوک وسله وال وژل شو ي دي .
د راپورونو ترمخه د خېبرايجنسۍ د تيراه علاقې په خېبرسنگر سيمه کې نن د جمعې په ورځ يو کور کې چې د لښکراسلام ډلې په ولقه کې ؤ بارودي مواد چاؤدلي دي ، او د لښکر اسلام څلور جنگيالي پکې وژل شوي دي .
د امنيتي سرچينو ترمخه د چاؤدنې وروستو امنيتي ځواکونو هم په دغې کور باندې د توپو گولۍ توغولي چې په نتيجه کې يې درې نور وسله وال وژل شوي دي .
د راپورونو دواړو پېښو کې د وژل شوؤ کسانو تعلق د لښکراسلام ډلې سره دی او په دغه علاقه کې لښکراسلام ډله فعاليت لري .
ولې سيمي ته د ميډيا د نه رسد له کبله ازادې سرچينې پېښه کې د وژل شوؤ کسانو د پېژندگلو پخلی نه کوي .
د پاکستان قبائيلي سيمه خېبرايجنسۍ کې د پوځ لخوا د خېبر ون په نوم د وسله والو په ضد عمليات دوام لري ، او پوځ ادعاوې کوي چې په سيمه کې تراوسه پورې کامياب عمليات ترسره شوي او د ۳۰۰ پورې جنگيالي پکې وژل شوي دي .