لیبیا کې د غربي اتحادي ځواکونو بمبارۍ د معمر قذافي پلویان پشا تمبولې دي او د حکومت مخالفو ډلو په دوه ښارونو قبضه او د هیواد په غربي سیمه کې يي د حکومت پلوه ځواکونو خلاف پرمختگ کړی دی.
باغیانو ویئلې په بریگا او اجدبیه ښارونو يي د خالي په ورځ قبضه کړې ده او د قذافي ځواکونه يي د دواړه ښارونو نه ویستلې دي. بریگا ښار کې د تیلو د صادرولو د پاره سمندري بندر هم موجود دی.
تیره هفته باغیانو په اجدبیه ښار باندې قبضه د لاسه ورکړې وه خو د اتحادي ځواکونو لخوا د بمبارۍ ورستو يي دغه ښار بیا د خپلې ولکې د لاندې راوستی دی. اجدبیه ښار د باغیانو د مرکز بن غازي نه ١٦٠ کلومیټره په جنوب کې پروت دی.
په عین حال کې د فرانس فوج وئیلې په میسراته ښار کې د لیبیا پنځه جهازونه او دوه هیلې کاپټرې تباه کړی شوې دي. میسراته د طرابلس په ختیز اړخ کې پروت دی. اتحادي جهازونو طرابلس سره نزدې هم بمباري کړې ده.
په لیبیا کې د خالي په ورځ شوې پرمختگ نه یوه ورځ وړاندې لیبیائي چارواکو وئیلې وو هیواد کې د کړکیچ د حل د پاره به سفارتي لارې چارې لټوي خو ددغه اعلان ورستو د کوم پرمختگ خبرونه مخ ته نه دي راغلي.
