رحمان ملک : منصور اعجاز ته به پاکستان راتلو لپاره ویزه اخستل وي

د پاکستان د کورنیو چارو وزیر رحمان ملک ویلي دي چې د مېمو لانجمن خط د پلټنو لپاره پاکستان ته راتلو لپاره به منصور اعجاز ته د پاکستان ویزه اخستل وي.
په اسلام اباد کې د خبریالانو سره د خبرو په وخت ښاغلي ملک وویل چې منصور اعجاز یو غیر ملکي تن دې او هغه ته ضرور د پاکستان ویزه اخستل وي.
تېره ورځ د مېمو لانجمن خط مرکزي کردار منصور اعجاز چې پاکستاني نژاده امریکایي دې ویلي ؤ چې د عدالت لخوا د مېمو پلټنو لپاره جوړ پاکستاني کمېشن وړاندې پېش کېدو ته تېار دې خو پاکستان ته لتو به ویزه نه اخلي. لانجمن مېمو یا خط د امريکا پوځي مشر ايډمرل مائيک مولن ته په خفيه توگه دليږل شوي صدر اصف علي زرداري پسې دمنسوب لېک دې چې پکې په پاکستاني پوځ فشار راوړلو لپاره امريکا څخه دمدد غوښتنه شوې وه. د پاکستان سپریم کورټ د پلټنو لپاره د بلوچستان هائي کورټ مشر قاضي محمد عېسی په مشرۍ کې درکسېزه کمېشن جوړ کړې دی.