د پاکستان د پوځ د مطبوعاتې څانگې ائي اېس پي اريو بيان کې وئيل شوي ، په لمړي پړاؤ کې به ټول ملک نهه پوځي عدالتونه جوړولی شي .
د پوځ د مطبوعاتې څانگې ائي اېس پي ار لخوا د جمعې په ورځ يو جاري شوی دی ، چې پکې وئيل شوي د ضروري قانون سازۍ کولو نه پس په ملک کې د پوځي عدالتونو قائمولو کار پېل شوی دی .
بيان کې وئيل شوي په لمړۍ مرحله کې ټول ملک نهه پوځي عدالتونه جوړول کيږي ، چې پکې درې درې په پنجاب او خېبرپښتونخوا صوبه ، دوه په سندهـ او يو په بلوچستان صوبه کې جوړولی شي .
پوځي بيان کې وئيل شوي دغه عدالتونه به ډېر زر کار پېل کړي ، ولې د کار پېل کولو کوم ختمي نېټه د ائي اېس پي ار په بيان کې نه ده ښودلی شوې .
د پاکستان صدر ممنون حسېن د شورو په ورځ ائين کې د ۲۱م بدلون په بل دستخط کړی ؤ ، کوم چې يوه ورځ وړاندې د پارليمان د دواړو اېوانونو نه منظور کړی شوی ؤ . د ائيني بدلون لاندې په ملک کې د پوځي عدالتونو جوړېدو منظوري ورکړی شوې وه .
پېښور کې په ۱۶م دسمبر ارمي پبلک سکول باندې د طالبانو حمله کې د ۱۳۳ ماشومانو په گډون د ۱۴۹ کسانو د وژنې وروستو په ملک کې د ترهگرۍ د مقدمو د اورېدونو دپاره د پوځي عدالتونو جوړولو پرېکړه شوې وه .