لاس رسیدونکی لینک

Breaking News

نواز شريف : دانرژۍ تگلارې مقصد دلوډشيډنگ خاتمه ده


دنهې په ورځ دپاکستان وزيراعظم ميا محمد نواز شريف وئيلي دي چې دهغه دحکومت زياتره وخت دانرژۍ دبحران په هواري کې لگيږي اؤ حکومتي چارواکي دبجلۍ په غلاگانو کې ککړ دي.
وزيراعظم وائي دحکومت دانرژۍ دقومي پاليسۍ مقصد ددريوؤ څخه څلورو کلونو کې دلوډشيډنگ خاتمه ده.
خبريالانو سره خبرو کې وزيراعظم وويل هغه دصوبو څخه دبجلۍ دغلا کوونکو کسانو په ضد دگامونو اخستوغوښتنه کړې ده.
هغه وويل دبجلۍ دبحران هوارى دهغه حکومت لمړۍ ترجيح ده.
دهغه وينا وه دمشترکه مفاداتو په کونسل کې په دغه معامله خبرې شوي اؤ صوبو دانرژۍ په پاليسۍ دصلاح مشورو لپاره نور وخت غوښتى دى.
نواز شريف وويل دبجلۍ دغلا مخنيوى ضروري دى اؤ په دې لړکې به دقانون سازۍ منظوري ډيره زر ورکړل شي.
وزيراعظم دعوه وکړه چې گردشي قرضې ختمې کړل شوي اؤ دغربت دکرښې څخه دلاندې ژوند کوونکو ٧٠ ملينو کسانو ته سبسډي ورکولى شي.
نوموړي وويل هيواد کې دبجلۍ سخت بحران دې چې ددې دحل لپاره به ټولو ته په شريکه کوشونه کول وي.
اسلام اباد کې دوزيراعظم په مشرۍ دمشترکه مفاداتو دکونسل غونډه شوې چې پکې دڅلورو صوبو اعلي وزيرانو اؤ دکونسل غړو گډون کړى.
غونډه کې دانرژۍ په تگلارې دغورترڅنگ داوبو اؤ بجلۍ دليگل فريم ورک ارډيننس دمسودې جاج هم اخستل شوى.
غونډې ته پخپله وينا کې وزيراعظم نواز شريف وويل پاکستان خپله ٤٥ فيصده بجلي دفرنس ائل څخه جوړوي ، کومه چې زياته گرانه طريقه ده.
نواز شريف وويل دارزانې بجلۍ جوړولو منصوبې په شفاف انداز کې مخ په وړاندې وړو.
دهغه وينا وه نن چې ملک دبجلۍ دکوم بحران سره مخ دى ددې ذمه وار واپډا اؤ نورې ادارې دي.
هغه زياته کړه سږکال به دبجلۍ سيسټم کې ١٤٠٠ ميگاواټه بجلي شامل کړل شي.
دمشترکه مفاداتو غونډه کې دبجلۍ په غلا دسختو سزاگانو په تجويز غور شوى دى اؤ نوې قومي انرژۍ دپاليسۍ دمنظورۍ ځنډولو سره دصوبو د صلاح مشورو لپاره دچيف سيکرټرانو کميټي جوړه کړل شوې ده ، کومه چې به ٣١ جولايۍ پورې خپل سفارشونه وړاندې کوي.
XS
SM
MD
LG