د پاکستان د کورنیو چارو وزیر شېخ رشید ویلي د نوي کال د لومړۍ ورځ نه پاکستان د ۱۹۱ ملکونو شهریانو ته انلاین یا د انټرنېټ دلارې ویزي ورکول شروع کړل.
شېخ رشید د جمعې په ورځ په پېښور کې خبریالانو ته وویل د پاکستان د ویزو په لړ کې به د افغانستان او چین نه ډیر شکایتونه ترلاسه کېدل خو د انلاین نظام دلارې به دغه شکایتونه کم او د خلکو مشکلات اسان شي.
په پېښور کې د خبریالانو سره د غونډې نه وړاندې شیخ رشید د طورخم پولې کتنه وکړه. هغه وویل افغانستان سره دګډې پولې دکنټرول کولو په نظام کې دنړیوالو معیارونو سره سم عصري نوښتونه مخې ته راوړي اؤ غواړي چې افغانستان سره تګ راتګ زیات اسان اؤ ګټور شي.
هغه وویل افغانستان او پاکستان ترمنځ د خلکو په سفر کې د ستونزو څخه ځان خبرول غواړي.
پېښور ته د شېخ رشید د سفر په اړه نور تفصیل د وي او ای ډیوه خبریال فرید شينواری وړاندې کوي:
