د پاکستان سپریم کورټ امر کړی چې په کراچۍ کې د دفاعې مقاصدو لپاره ورکړل شویو ځمکو دې د تجارتونو او کارونو لپاره استعمال ختم کړی شي.
د وي او ای اردو څانگې د یو خبر ترمخه په کراچۍ ښار کې د غیرقانوني ودانیو او د استوګنې په ځایونو کې د تجارتي کارونو په اړه د یو مقدمې د اورونې په وخت سپریم کورټ د غیرقانوني ودانیو په جوړیدو سخته غصه څرګنده کړه.
د وي او ای اردو خبر وايي د مقدمې د اوریدنې په مهال عدالت پوښتنه وکړه چې د ملک په پوځ څه شوې دي؟ آیا اوس د پوځ کار صرف ودونو کولو ته پاتې شو؟ عدالت زیاته کړه که چېرې د پوځ لاس ورسي نو د سړکونو د پاسه به شادي هالونه یا د ودونو تالارونه جوړ کړي.
کراچۍ کې د سپریم کورټ په رجسټرۍ کې جسټس ګلزار احمد او جسټس سجاد علي شاه د تجاوزاتو مقدمې د اورونې په وخت وویل د سمندر اود سړکونو په غاړه غیر قانوني ودانۍ جوړول کیږي او د دې په اړه دوی ته په عدالت کې مامورین سندرې وايي.
عدالت وویل د سمندري او هواي ځواکونو د وسلو ګودامونو سره نزدې د ودونو هالونه جوړول کیږي.
سپریم کورټ د کراچۍ په کارساز، شاهراه فیصل او راشد منهاس سړک په غاړه په پوځي ځمکو جوړ کړی شویو شادي هالونو د ختمولو حکم وکړو.
عدالت په پوځي مرکزونو کې کې د ټولو سنیماګانو، تجارتي ودانیو او مارکیټونو د ختمولو هم حکم وکړو.
جسټس ګلزار احمد او جسټس سجاد علي شاه د پوځ د انتظام لاندې د ودانو جوړولو ادارې، ډیفنس هاوسنګ اتهارټي په کارکردګۍ سخته غصه څرګنده کړه او وې یې ویل چې اوس سمندرهم خرڅول کیږي.
عدالت د کراچۍ ښار خپل اصلي منصوبې مطابق پرځای کولو لپاره د ارکیټیکچرز یا د ودانو جوړولو د ماهرینو په مشوره مکمل رپورټ عدالت ته د وړاندې کولو حکم کړی.
د پاکستان په اکثره ښارونو او سړکونو باندې د تجاوزاتو له وجې خلک د تګ په وخت د یو شمېر ستونزو سره مخ کیږي او د غیرقانوني ودانو جوړوونکو پرضد کوم خاص ګامونه نه پورته کول کیږي.
د وي او ای اردو په رپورټ کې دا تفصیل نشته چې پوځ او یا بلې کومې دفاعي ادارې د عدالت په تپوسونو او تشویش څه دریځ و؟
