د جون د میاشت په ١٥ مه نیټه شمالي وزیرستان کې د وسله والو خلاف د پاکستان پوځي کاروائي ورسته، د افغانستان سره په پوله پرتې قبائیلي سېمې نه شا او خوا ١٠ لکه خلک بې کوره شوي دي خو څیړونکې وايي په سیاسي کچه د شمالي وزیرستان خوله وره قیادت دنېشت والي او د پاکستانۍ میډیا د خاموشۍ په وجه ددوي مسلې په قامي او نړي واله کچه په مناسب توگه نه ده په ډاگه شوي.
مبصرین وايي په میډیا د شمالي وزیرستان د اولس د کړمو په مناسب توگه د نه څرگندیلو یوه نتیجه دا ده چې په پراخه کچه يي مرستې هم نه کیږي.
څیړنکار خادم حسین وايي د مصبت ښکار خلکو سره نور خلک یا فلاحي ادارې هله لاس امداد کوي کله چې مصېبت کې ښکیل خلکو درد محسوس کړی شي او په موجوده دور کې د داسې خلکو حال نورې دنیا ته میډیا وړاندې کوي.
د شمالي وزیرستان د خلکو بله مسله دموثر سیاسي قیادت نشت والی هم دی. دا خبره شمس مومند کوي، چې د قبائیلي علاقې سره تعلق لرونکی صحافي او تجزیه کار دی.
ښاغلی مومند وايي د شمالي وزیرستان خلک سیاسي قیادت نه لري چې ددوي مسلې راپورته کړي او نه هم کومه سیاسي ډله د شمالي وزیرستان خلک خپل گڼي چې مشکلات يي نورې دنیا ته وړاندې کړي.
په دې هکله د وائس اف امریکا ډیوه ریډیو خبریال ارشد مومند رپورټ دلته اوریدی شۍ: