لاس رسیدونکی لینک

تازه خبر

پاکستان کې يو ليټر پټرول ‏‎9‎‏ روپۍ ‏‎66‎‏ پېسې ګران کړل شوي


پاکستان کې پټرول نور ګران کړل شوي، د يو ليټر پټرول قيمت نهه روپۍ ‏‎66‎‏ پېسې سېوا کړل شوی، او په ملک کې د يو ليټر پټرولو بيعه ‏‎289‎‏ روپو او ‏‎41‎‏ ‏پېسو ته رسېدلی دی.‏

د پاکستان د خزانې وزارت د تيلو نوې بيعې جاري کړي او ويلي يې دي، په نړيوال مارکيټ کې پټرول ګران شوي او ډيزل ارزان شوي دي ځکه پاکستان کې ‏د تيلو قيمتونه بدل کړل شوي او نوی قيمت به نن د اپرېل د لومړۍ نېټې څخه عملي وي.

‎د خزانې وزارت ترمخه يو ليټر پټرول نهه روپۍ او ‏‎66‎‏ پېسې ګران کړل شوي او ډيزل درې روپۍ او ‏‎32‎‏ روپۍ ارزان کړل شوي دي.‏

د ډيزلو په قيمت کې د کمي سره يو ليټر ‏‎282‎‏ روپو او ‏‎24‎‏ پېسو ته راټيټ شوی دی.‏ د پټرول ګرانولو په سر په ټولنيزو رسنیو په حکومت نيوکې شوي دي.‏
روزينه خان په اېکس (پخواني ټویټر) پوسټ کې ویلي، ‏
‏"غريبانو ته د ويړيا برق ورکولو وعدې کوونکو د پټرول بم غورځول پيل کړل".‏

‎خبریالې عاصمه شېرازي ویلي،
‏"د پټرول د قيمتونو سېوا کېدو سره د ګرانۍ نوی طوفان راشي. قيمتونه سېوا کول که مقصد وي نو کم از کم ناجايزه ګټه خوري خو دې ودرول شي. په ‏څرګنده مرکزي او صوبايي حکومتونه په دې کې هم پاتې راځي".‏

‎پاکستان کې هر ‏‎15‎‏ ورځې وروسته د تیلو نوي قيمتونه ټاکل کيږي.‏

له دې په ‏‎16‎م مارچ د پټرولو په بيعه کې هیڅ بدلون نه وو شوی، د يو ليټر پټرولو بيعه ‏‎279.75‎‏ روپۍ په ځای ساتل ‏شوې وه او ډيزل ‏‎1.77‎‏ روپۍ ارزان کړل ‏شوي او د يو ليټر ډيزلو نوی قيمت ‏‎285.56‎‏ روپۍ ټاکل شوی وو.‏

له دغې وړاندې د مارچ په لومړۍ نېټه پټرول څلور روپۍ او ‏‎13‎‏ پېسې ګران کړل شوي او د ډیزو بيعه په ځای ساتل شوې وه.‏

او د اتمې فرورۍ د عامو انتخاباتو پس د تېلو او ګېسو بيعې سېوا کړل شوې وې ، يو ليټر ډيزل اته روپۍ ‏‎37‎پېسې او پټرول دوه روپۍ او ‏‎37‎پېسې ګران ‏‏کړل شوي ‏وو. دغه رنګ د ګېسو قيمتونه ‏‎67‎‏ فيصده زيات کړل شوي وو.‏

او له دغې نه وړاندې په لومړۍ فرورۍ نګران حکومت هم هیواد کې د تېلو بیعې لوړې کړې او د یو لیټر پټرولو په نرخ کې یې 13 روپۍ ‏او 55 پیسې ‏زیاتوالی ‏اعلان کړی وو.‏

Forum

هېلو وي او اې په ټي وي

هېلو وي او اې په ټي وي
please wait

No media source currently available

0:00 0:59:56 0:00

بي بي شیرینه

بي بي شیرینه: په ټیلې ویژن
please wait

No media source currently available

0:00 1:59:59 0:00

Recommended

XS
SM
MD
LG