د پاکستان په خیبر پښتونخوا صوبه کې د جنگیالو په حمله کې اته ملکي کسان او د پولیسو په جوابي ډزو کې درې جنگیالی وژل شوې دي.
او د تشدد په جدا پیښه کې په جنوبي وزیرستان قبائیلي سیمه کې د ډرون یا بې پائیلټه هوائي جهاز حملې په نتیجه کې څلور کسان وژل شوې دي. او فوج وائي په سوات کې یي څلور جنگیالي هاغه وخت وژلې کله چې دوي دیر نه سوات ته د را اوړیدلو کوشش کولو.
د اته کسانو د وژنې په حقله پولیس وئیلي د هنگو ښار سره نزدې د مسافرو په یو گاډي وسله والو ډزې کړې، په نتیجه کې يي په گاډي کې سواره اته کسان اوژلی شول. اوه کسان په حمله کې زخمیان شوې دي.
د مسافرو گاډی د کرمې قبائیلي سیمه نه پیښورته روان وو چې د هنگو سره نزدې په نخښه کړی شو.
د حملې ورستو پولیسو د حمله کونکو سره د ډزو په تبادله کې درې وسله وال اوژل.
او په جنوبي وزیرستان کې د ډرون حملې د تصدیق استخباراتي چارواکو هم کړی دی.
